కిమ్ శర్మతో హర్షవర్ధన్ రాణే డేటింగ్.. పబ్లిక్‌గా దొరికిన జంట.. గుత్తా జ్వాలాకు గుడ్‌బై!

హర్షవర్ధన్‌ రాణేతో కిమ్ శర్మ

ముంబైలోని బాంద్రా రెస్టారెంట్‌లో జంటగా కనిపించిన కిమ్ శర్మ, హర్షవర్ధన్ రాణేను మీడియా పలుకరించగా పెద్దగా మాట్లాడటానికి నిరాకరించారట. హర్షవర్ధన్ రాణే నటించిన పల్టాన్ చిత్రం సెప్టెంబర్ 7న రిలీజైంది. ఆ సందర్భంగానే లంచ్ డేట్‌కు వచ్చినట్టు తెలుస్తున్నది. వీరిద్దరి వ్యవహారం గత కొద్దినెలలుగా మీడియాలో చర్చనీయాంశమైంది.

అలీ పుంజానీతో కిమ్ శర్మ పెళ్లి

బాలీవుడ్‌లో కెరీర్ ఉన్నతస్థానంలో ఉండగా, అలీ పుంజానీని కిమ్ శర్మ వివాహం చేసుకొన్నారు. కెన్యాలో అలీ పుంజానీ బడా వ్యాపారవేత్త. వివాహం తర్వాత వారిద్దరి మధ్య అభిప్రాయ బేధాలు తలెత్తడంతో విడిపోయారు.

భర్తను వదిలేసి కిమ్ శర్మ

గొడవల మధ్య చేతిలో చిల్లిగవ్వ లేకుండా భార్తను వదిలేసి కిమ్ శర్మ ఇండియాకు తిరిగి వచ్చింది. ఆ తర్వాత ఓ మోడల్‌తో అఫైర్ పెట్టుకొన్నట్టు వార్తలు వచ్చాయి. కానీ తాజాగా హర్షవర్ధన్‌తో కలిసి తిరుగుతూ మీడియాను ఆకర్షించింది.

గౌహర్‌తో హర్షవర్ధన్

ఇక తొలుత హర్షవర్ధన్ రాణేకు బాలీవుడ్ నటి గౌహర్‌ఖాన్‌తో అఫైర్ ఉందంటూ అప్పట్లో వార్తలు వచ్చాయి. ఆ తర్వాత టాలీవుడ్‌లో చిన్నా చితక హీరో వేషాలు వేస్తున్న తరుణంలో బాడ్మింటన్ క్రీడాకారిణి గుత్తా జ్వాలాతో అఫైర్ ఉందంటూ వార్తలు వెలుగు చేశాయి. అయితే వాటికి మీడియాలో పెద్దగా ప్రాధాన్యం దక్కలేదు.

గుత్తా జ్వాలాతో హర్షవర్దన్ అఫైర్

సినీ పరిశ్రమలో స్థిరమైన స్థానం సంపాదించుకొనేందుకు ఓ వైపు ప్రయత్నాలు కొనసాగిస్తూనే మరోవైపు అందమైన భామలతో చెట్టాపట్టాలేసుకొని తిరగడం హర్షవర్ధన్‌కు అలవాటుగా మారింది. సనమ్ తెరీ కసమ్‌లో నటించిన హీరోయిన్ మార్వా హోకేన్‌తో అఫైర్ నడిపించాడనే వార్తలు కూడా హల్‌చల్ సృష్టించాయి.

ఖడ్గం చిత్రంలో కిమ్ శర్మ

కృష్ణవంశీ దర్శకత్వంలో వచ్చిన ఖడ్గం చిత్రంలో కిమ్ శర్మ హీరోయిన్‌గా నటించింది. రవితేజ చిత్రం ఆంజనేయులులో ఐటమ్ నంబర్‌లో కనిపించింది. తెలుగులో చివరిసారిగా మగధీర సినిమాలో ఓ ఐటెంగ్ సాంగ్‌లో ఆకట్టుకొన్నది.