హోమ్

గాసిప్స్

దర్శకుడు బోయపాటి శ్రీనుకి జూ ఎన్టీఆర్ చివాట్లెట్టాడట. తనతో చేయబోయే సినిమాకి సంబంధించి సబ్జెక్ట్ ఇంకా పక్కాగా ప్లాన్ చేయనందుకుగాను. అదేంటీ, ఆల్రెడీ సినిమా కూడా అనౌన్స్ అయిపోయింది కదా..అంటే, బోయపాటి పోరు పడలేక జూ ఎన్టీఆర్ సినిమాని అనౌన్స్ చేసేస్తే, ఇంకా సబ్జెక్ట్ మీద బోయపాటికి అస్సలు క్లారిటీ లేకుండా పోయిందట. 'సింహా" సినిమా తర్వాత సుమారు ఏడాది కాలంపాటు జూ ఎన్టీఆర్ చుట్టూ తిరిగి, ప్రాజెక్ట్ అయితే ఓకే చేసుకున్నాడుగానీ, తయారుచేసుకున్న స్క్రిప్ట్ మీద అస్సలు నమ్మకం లేకుండా పోయిందట బోయపాటికి.

ప్రస్తుతానికైతే కొన్ని సీన్లు రాసేసుకుని, వాటిల్లో మసాలా దట్టించేసి ఊరుకున్న బోయపాటి, కథ విషయంలో ఇంకా కన్ ఫ్యూజన్ లోనే వున్నాడని తెలిసి, జూ ఎన్టీఆర్ ఆ కథకు మెరుగులు దిద్దే పనిని, ఎవరికైనా అప్పజెప్పాలనే ఆలోచనలో వున్నట్టు సమాచారం. గతంలో 'ఒక్కమగాడు"సినిమాకి దర్శకుడు వైవీఎస్ చైదరీ ఇలానే బాలయ్యను నట్టేట ముంచేశాడనే విషయం ఇప్పటీ మర్చిపోలేని విషయం. అలాంటి ఖర్మ తనకు పట్టకూడానుకున్నాడో ఏమోగానీ, జూ ఎన్టీఆర్, బోయపాటి క్లాస్ పీకడమే కాదు, ఇంకో డైరెక్టర్ చేత బోయపాటి ప్రాజెక్ట్ లో కరెక్షన్స్ చేయించాలనుకుంటున్నాడు. మరి, జూ ఎన్టీఆర్ ప్రయత్నాలు వర్కవుట్ అవుతాయా? అసలు బోయపాటి -జూ ఎన్టీఆర్ కాంబినేషన్ లో సినిమా వస్తుంది?వేచి చూడాల్సిందే..