విమానంలో స్టార్ కమెడియన్ వీరంగం... మరో కమెడియన్‌పై దాడి?

ఆస్ట్రేలియా నుండి ముంబైకి విమానంలో వస్తుండగా.....

ఇటీవల కపిల్ శర్మ, సునీల్ గ్రోవర్ ఆస్ట్రేలియా నుండి ముంబైకి విమానంలో వస్తుండగా..... కపిల్ శర్మ ఆగ్రహంతో ఊగిపోతు, అరుస్తూ సునీల్ గ్రోవర్ మీద దాడి చేసాడని ప్రత్యక్ష సాక్షులు కొందరు తెలిపినట్లు బాలీవుడ్ మీడియా కోడై కూస్తోంది.

బూతులు తిడుతూ, భౌతిక దాడి

కారణం ఏమిటో తెలియదని.... కపిల్ శర్మ బూతులు తిడుతూ, భౌతిక దాడికి పాల్పడ్డాడని అదే విమానంలో ప్రయాణిస్తున్న కొందరు మీడియాకు వెల్లడించారు. మరి ఈ గొడవకు కారణం ఏమిటి? కపిల్ శర్మ ఏకంగా విమానంలో అందరూ చూస్తుండగా సహనం కోల్పోయి ఇలా చేయడానికి కారణం ఏమిటి? అనేది చర్చనీయాంశం అయింది.

కారణం ఏమిటో?

అయితే ఈ విషయమై దాడి చేసిన కపిల్ శర్మ గానీ, ఇటు దాడికి గురైన సునీల్ గ్రోవర్ గానీ స్పందించడం లేదు. కొందరు బాలీవుడ్ మీడియా ప్రతినిధులు వారిని ఫోన్ ద్వారా సంప్రదించే ప్రయత్నం చేసినా అందుబాటులోకి రావడం లేదని తెలుస్తోంది.

కాబోయే ఆవిడ

ఆ గొడవ సంగతి పక్కన పెడితే కపిల్ శర్మ త్వరలో ఇంటివాడు కాబోతున్నాడు. తన గర్ల్ ఫ్రెండ్ గిని చత్రత్ ను పెళ్లాడబోతున్నాడు. ఇటీవలే వీరి ఎంగేజ్మెంట్ కూడా జరిగింది.