హోమ్

గాసిప్స్

వ్యక్తిగత కారణాలతో గత కొంత కాలం నుంచి సినీ పరిశ్రమకు దూరంగా ఉన్నాడు మంచు మనోజ్. పరస్పర ఒప్పందంతో విడాకులు తీసుకున్న మంచు మనోజ్.. తన కెరీర్‌పై దృష్టి సారించాడు. ఈ క్రమంలోనే నూతన ప్రాజెక్ట్‌ను ప్రకటించేశాడు. అహం బ్రహ్మాస్మి అంటూ ప్రకటించిన టైటిల్ పోస్టర్‌ అందరిలోనూ ఉత్కంఠను రేకెత్తించింది.

ప్యాన్ ఇండియా చిత్రంగా అహం బ్రహ్మాస్మిని మలిచేందుకు మంచు మనోజ్ భారీగానే కష్టపడుతున్నట్లు తెలుస్తంది. తెలుగు, తమిళ, కన్నడ, హిందీ అంటూ ఇలా జాతీయ చిత్రంగా అహం బ్రహ్మాస్మిని నిర్మిస్తున్నాడు. మంచు మనోజ్ ఆర్ట్స్ అనే కొత్త బ్యానర్‌ను స్థాపించి.. అందులో మొదటి ప్రాజెక్ట్‌గా ఈ చిత్రాన్ని పట్టాలెక్కించాడు.

తాజాగా ఈ మూవీకి సంబంధించిన ఓ అప్‌డేట్ వచ్చేసింది. ఈ సినిమాలో మంచు మనోజ్ అఘోరాగా కనిపించనున్నాడనే వార్తలు వైరల్ అవుతున్నాయి. సాధారణంగా అఘోరాగా కనిపించడానికి మన హీరోలు అంతగా సాహసించరు.. అయితే బాలయ్య-బోయపాటి కాంబోలో రాబోతోన్న కొత్త చిత్రంలోనూ అఘోర పాత్రలో బాలకృష్ణ కనిపించబోతోన్నాడని టాక్. మరి మన దర్శకులు అఘోరాలపై ఎందుకు పడ్డారో తెలియాలంటే అవి విడుదలయ్యే వరకు వేచి చూడాల్సిందే. అహం బ్రహ్మాస్మి మార్చి 6వ తేదీన ప్రారంభం కానుంది.