మహేష్ బాబుతో మణిరత్నం యాక్షన్ ఫిల్మ్?

By Pratap

| Published: Sunday, January 12, 2014, 10:43 [IST]

హైదరాబాద్‌: ప్రముఖ దర్శకుడు మణిరత్నంతో కలిసి మహేష్ బాబు సినిమా చేసే అవకాశాలున్నట్లు ప్రచారం జరుగుతోంది. కడల్ సినిమా తర్వాత పక్కా యాక్షన్ ఎంటర్‌టైనర్ చేసే ఉద్దేశంతో మణిరత్నం ఉన్నట్లు చెబుతున్నారు. మహేష్ బాబుతో ఆ సినిమా చేసేందుకు ఆయన ప్రయత్నాలు ప్రారంభించినట్లు తెలుస్తోంది.

మహేష్ బాబు, మణిరత్నం ఆ సినిమాకు సంబంధించిన చర్చలు సాగుతున్నట్లు చెబుతున్నారు. ఈ సినిమా ఒకేసారి తమిళం, తెలుగు భాషల్లో నిర్మితమవుతుంది. చర్చలు చేస్తున్నామని, అయితే ఇంకా ఆ ప్రాజెక్టు ఖరారు కాలేదని మహేష్ బాబు భార్య నమ్రతా శిరోద్కర్ ఓ ప్రముఖ ఆంగ్ల పత్రికతో అన్నారు.

నిజానికి, పొన్నియన్ సెల్వన్‌ను కథను తెరకెక్కించాలని మహేష్ బాబు, మణిరత్నం కలిసి అనుకున్నారు. కానీ ఎందువల్లనో అది ఆగిపోయింది. ఇది జరిగి దాదాపు రెండేళ్లవుతోంది. ప్రస్తుతం మహేష్ బాబు శ్రీను వైట్ల దర్శకత్వం వహిస్తున్న ఆగడు సినిమాలో నటిస్తున్నాడు. ఆ సినిమా షూటింగ్ జరుగుతోంది.

యుటివి మోషన్ పిక్చర్స్ బ్యానర్ మీద కొరటలా శివ సినిమాలో నటించడానికి కూడా మహేష్ బాబు అంగీకరించాడు. ఈ సినిమా పూర్తయిన తర్వాత మణిరత్నం సినిమా ప్రారంభమవుతుందా, దాంతో పాటు ఈ సినిమాను మహేష్ బాబు చేస్తాడా అనేది తెలియడం లేదు.

Comments

English summary

Mahesh Babu and Mani Ratnam might soon team up for a big budget action entertainer, as per the latest buzz in Tamil film industry. Incidentally, the duo were in talks for the film adaptation of ‘Ponniyin Selvan’ couple of years ago; however, that project was shelved for several reasons.

Story first published: Sunday, January 12, 2014, 10:43 [IST]

Other articles published on Jan 12, 2014