»   » నాగ్ 'భాయ్‌' చిత్రం ఆ మలయాళ కాపీనా?

నాగ్ 'భాయ్‌' చిత్రం ఆ మలయాళ కాపీనా?

Posted By:
Subscribe to Filmibeat Telugu
హైదరాబాద్ : ఇప్పుడు తెలుగులో ఓ చిత్రం తెరకెక్కుతోందంటే రకరకాల ప్రచారాలు మొదలవుతున్నాయి. వాటిల్లో కొన్ని నిజాలు ఉంటున్నాయి. మరికొన్ని రూమర్స్ గా మిగిలిపోతున్నాయి. తాజాగా నాగార్జున హీరోగా రూపొందుతున్న క్రేజీ ప్రాజెక్టు 'భాయ్‌' ఓ మళయాళ చిత్రం కాపీ అంటూ ఫిల్మ్ సర్కిల్స్ లో వినపడుతోంది. వారు చెప్తున్న ఆ చిత్రం ఏమిటంటే... 2010 లో ముమ్మట్టి,పృథ్వీరాజ్ కాంబినేషన్ లో రూపొంది, ఘన విజయం సాధించిన పొక్కిరి రాజా చిత్రం. ఆల్రెడీ పొక్కిరి రాజా చిత్రాన్ని అక్షయ్ కుమార్...నామ్ భాయ్..బాస్ అనే టైటిల్ తో తెరకెక్కించటానికి రైట్స్ తీసుకున్నారు.

పొక్కిరి రాజా లో కథ...పూర్తి మాస్ మసాలా గా సాగుతుంది. చిన్నప్పుడే ఇంట్లోంచి పారిపోయిన కుర్రాడు... సిటీలో డాన్ గా ఎదిగి...తన తమ్ముడుని సేవ్ చేయటానికి తన ఐడింటీటీ బయిట పెట్టకుండా తన ఊరు వస్తాడు. అక్కడ నుంచి జరిగే యాక్షన్ కామెడీ నే సినిమా కథ. ఈ చిత్రంలో శ్రియ హీరోయిన్ గా చేసింది. ముమ్మట్టి లోకల్ డాన్ గా ఫన్ చేస్తూంటాడు. అతని వచ్చి రానీ ఇంగ్లీష్ లో మాట్లాడే మాటలు సినిమాకు హైలెట్ గా నిలిచాయి. ఇదే కథను భాయ్ గా చేస్తున్నాడంటున్నారు. అయితే...సినిమా రిలీజైతే కానీ ఏ విషయం తెలియదు.

ఇక ఈ చిత్రం గురించి దర్శకుడు వీరభద్రమ్ మాట్లాడుతూ... హైదరాబాద్‌లో ఇరానీ చాయ్‌ గురించీ, పాతబస్తీలో భాయ్‌ గురించీ తెలియని వాళ్లుండరు. మంచి కోసం, మనీ కోసం ఏదైనా చేస్తాడు. కాకపోతే కాస్త మొండిఘటం. ఎవరి మాటా వినడు. బరిలో దిగితే వెనక్కి తిరిగి చూడడం తెలీదు. ఆ వేగమే అతని ఆయుధం. ఇంతకీ భాయ్‌ సిటీకి ఎందుకొచ్చాడు? ఇక్కడ ఏం చేశాడు? అనే విషయాలు తెలియాలంటే మా సినిమా చూడాల్సిందే అంటున్నారు వీరభద్రమ్‌.

'భాయ్‌' లో నాగార్జున సరసన రిచా గంగోపాధ్యాయ హీరోయిన్ గా చేస్తోంది. అన్నపూర్ణ స్టూడియోస్‌ సంస్ద నిర్మిస్తోంది. ప్రస్తుతం హైదరాబాద్‌ శివార్లలో నాగార్జున, సోనూసూద్‌లపై పోరాట ఘట్టాలను తెరకెక్కిస్తున్నారు. ''నాగార్జున పాత్ర, ఆయన పలికే సంభాషణలు మాస్‌కి బాగా నచ్చుతాయి. ఆయన్ని అభిమానులు ఎలా చూడాలనుకొంటున్నారో.. అలానే తీర్చిదిద్దుతున్నాం. త్వరలోనే తొలి ప్రచార చిత్రాన్ని విడుదల చేస్తాము''అని యూనిట్ వర్గాలు చెబుతున్నాయి. ఈ చిత్రానికి దేవిశ్రీ ప్రసాద్‌ సంగీతం అందిస్తున్నారు.

English summary
Rumors say that Nagarjuns' Bhai is a copy of Malayalam film, Pokkiri Raja. The film revolves around Madhavan Nair who unknowingly kills a teenager and his eldest son, Raja, take the blame and is sentenced to jail for five years. After returning from jail, Raja moves to Madhurai where he rescues the life of the daughter of Maniannai. The village landlord hen turns his right hand. He is named as Madhurai Raja. Years later, he started being known as Pokkiri Raja.
Please Wait while comments are loading...
 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu