Don't Miss!
- News జనంలోనే జగన్: నియోజకవర్గాల్లో సభలు.. అక్కడే బస
- Lifestyle శరీరంలో ఈ భాగాల్లో వాపు కనబడుతుంటే, పక్కా మీ లివర్ డ్యామేజ్ అయ్యిందని అర్థం..!హెచ్చరిక
- Automobiles ప్రతి 14 నిమిషాలకు ఓ కారు మాయం.. అత్యధికంగా కార్లు చోరీ అయ్యేది ఈ నగరాల్లోనే.!!
- Technology Lava నుంచి కొత్త స్మార్ట్ ఫోన్! మార్చి 22 న లాంచ్,టీజర్ విడుదలైంది
- Finance Market Crash: సెన్సెక్స్-నిఫ్టీ నేల చూపులు.. నిండా ముంచిన ఐటీ స్టాక్స్..
- Sports Shreyanka Patil: ఆటతోనే కాదు..అందంతోనూ క్లీన్ బౌల్డే!
- Travel ఐఆర్సీటీసీ VIZAG - ARAKU HOLIDAY PACKAGE మార్చి 22 నుంచే..
కోరిక తీరెన్ : అక్షయ్ భార్యగా నటిస్తున్న నయనతార!
మలయాళ సినీ పరిశ్రమ ద్వారా హీరోయిన్ గా పరిచయం అయిన నయనతార...చంద్రముఖి సినిమాలో రజినీ సరసన అవకాశం కొట్టేసి సౌతిండియా టాప్ హీరోయిన్గా ఎదిగి తెలుగు, తమిళ, కన్నడ భాషల్లో ఓ వూపు ఊపింది. ఆ తర్వాత బాలీవుడ్లో అడుగు పెట్టి తన సత్తా చాటుదాము అనుకునే సరికి....ప్రభుదేవాతో పరిచయం, ప్రేమాయణం, కోర్టు చిక్కులు, ఆయనతో పెళ్లికి సిద్ధం అవడం జరిగింది. దీంతో శ్రీరామరాజ్యం సినిమానే తన చివరి సినిమా, తనకు నటించాలని ఉన్నా ప్రభుదేవా ఒప్పుకోడు అంటూ కన్నీళ్లతో తన సీని కెరీర్కు వీడ్కోలు పలికింది నయన. ఈ పరిణామాల నేపథ్యంలో బాలీవుడ్ లో నటించాలనే నయనతార ఆశలు అడియాశలుగానే మిగిలి పోయాయి.
బాలీవుడ్ లో నటించాలనే నయన కోరికను తెలుసుకున్న ప్రభుదేవా ఆమెకు బాలీవుడ్ ఆవకాశం కల్పించే పనిలో పడ్డాడు. అది కూడా తను దర్శకత్వం వహిస్తున్న సినిమాలోనే . తెలుగులో వచ్చిన విక్రమార్కుడు సినిమాకు రీమేక్ గా హిందీలో అక్షయ్ కుమార్ హీరోగాః 'రౌడీ రాథోడ్" సినిమాను తెరకెక్కిస్తున్న ప్రభు... తెలుగు విక్రమార్కుడు లో విక్రమ్ సింగ్ రాథోడ్(రవితేజ) భార్యగా ఫోటోకే పరిమితమైన జ్యోతిక పాత్రను నయనతో చేయించాలని నిర్ణయించాడట. తెలుగు వెర్షన్ లో ఫోటోకే పరిమితం అయిన జ్యోతిక పాత్రను హిందీలో తన క్రియేటివిటీకి మెరుగులు పెట్టి అక్షయ్ కుమార్ భార్యగా నటనకు ప్రాధాన్యం ఉండేలా నయన పాత్రను ప్రత్యేకంగా డిజైన్ చేశాడట. ఏమైతేనేం...నయన కోరిక తీరబోతోంది, బాలీవుడ్ సినిమాలో హీరో అక్షయ్ కుమార్ భార్యగా హీరోయిన్ తర్వాత హీరోయిన్ అంతటి పాత్ర చేయబోతోంది. అదీ మ్యాటర్.