అఖిల్ తో కాదు, నితిన్ తో హను...మార్పు వెనక ఏం జరిగింది?

By Srikanya

Updated: Thursday, August 11, 2016, 12:48 [IST]

హైదరాబాద్: అఖిల్ అక్కినేని తో అనుకున్న సినిమా ఇప్పుడు నితిన్ వద్దకు చేరింది. నితిన్ హీరోగా హను రాఘవపూడి దర్శకత్వంలో చిత్రం దాదాపు సెట్ అయినట్లే. ఇది అఖిల్ అభిమానులకు ఊహించని షాకే. ఎందుకంటే కొద్ది రోజుల క్రితమే ...అఖిల్ స్వయంగా తాను హను దర్శకత్వంలో చేస్తున్నట్లు ప్రకటించారు. అంతలోనే ఈ ట్విస్ట్.

వివరాల్లోకి వెళితే..'అందాల రాక్షసి' ఫేం హను రాఘవపూడి దర్శకత్వంలో అఖిల్ అక్కినేని రెండో సినిమా తెరకెక్కనుందనే వార్తలొచ్చాయి. ఈ వార్తని అఖిల్ కూడా ధృవీకరించారు. దీంతో.. ఈ సినిమా త్వరలోనే సెట్స్ పైకి వెళ్లనుందనుకొన్నారు. అయితే, తాజా సమాచారం ప్రకారం అఖిల్ రెండో సినిమా ఆగిపోయింది. నిర్మాత దొరకకపోవడమే కారణమని చెబుతున్నారు. కానీ.. అసలు నిజం వేరే ఉంది అంటున్నారు.

అంతేకాకుండా ఇదే విషయమై ఇంకో షాకింగ్ న్యూస్ ఏంటంటే.. ఇప్పుడిదే కథతో నితిన్ హీరోగా సినిమాని తెరకెక్కించేందుకు రెడీ అయ్యాడు హను రాఘవపూడి. అఖిల్ సినిమా ఆగిపోగానే.. హను నితిన్ దగ్గరికి వెళ్లి కథ వినిపించడం.. నితిన్ ఓకే అనేయడం చకచకా జరిగిపోయాయట. 14 రీల్స్ బ్యానర్ లో ఈ చిత్రం తెరకెక్క అవకాశాలున్నాయి.

అఖిల్ అక్కినేని తొలి చిత్రం 'అఖిల్' నిర్మాతగా వ్యవహారించాడు నితిన్. ఆ సినిమా డిజాస్టర్ అయ్యింది. అప్పటినుంచి అఖిల్ రెండో సినిమా కోసం కథలు వింటూ కాలక్షేపం చేస్తున్నాడు. రీసెంట్ గా నేను కథలు వినటం పూర్తైంది, హనుతో సినిమా చేస్తున్నా అన్నాడు. అయితే ఆ సినిమాని నితిన్ ఎగరేసుకుపోయాడు. అఖిల్, నితిన్ బంధం చాలా డిఫరెంట్ నే మరీ..అంటున్నారు సినిమాజనం.

స్లైడ్ షోలో అఖిల్ తో ప్రాజెక్టు ముందుకు వెళ్లకపోవటానికి కారణం...