Click it and Unblock the Notifications
ప్చ్... రామ్ చేతిలో ప్రాజెక్టు నితిన్ కి ఖరారు...
2013 చివరలో విడుదలై హిట్టైన చిత్రాల్లో 'వెంకటాద్రి ఎక్స్ప్రెస్' ఒకటి. చిన్న సినిమా అయినా పెద్ద విజయమే సాధించి పరిశ్రమలో అందరి దృష్టినీ ఆకర్షించింది. దాంతో ఆ చిత్ర దర్శకుడు మేర్లపాక గాంధికి వరస ఆఫర్స్ వచ్చి పడుతున్నాయి. దాజాగా ఆయన ప్రముఖ నిర్మాత డి.వి.వి.దానయ్య తో చిత్రం చేయటానికి కమిటయ్యిన సంగతి తెలిసిందే. ఈ చిత్రంలో నితిన్ ..హీరోగా చెయ్యనున్నాడు.
ఇప్పుడు యూత్ అనుభవం లేకపోయినా తెరపై అద్భుతాల్ని సృష్టిస్తోంది. గతేడాది నవతరం దర్శకులు పలువురు మెగాఫోన్ చేతపట్టి విజయాలు అందుకొన్నారు. అందులో మేర్లపాక గాంధి ఒకరు. 'వెంకటాద్రి ఎక్స్ప్రెస్'తో ఇంటిల్లిపాదినీ అలరించారు. ఆ ప్రతిభను పరిశ్రమ కూడా గమనించింది. అందుకే ఇప్పుడు అవకాశాలను కట్టబెట్టే ప్రయత్నం చేస్తోంది. గాంధి దర్శకత్వంలో యూనివర్సల్ మీడియా ఈ చిత్రాన్ని తెరకెక్కించబోతోంది.
నిర్మాత డి.వి.వి.దానయ్య మాట్లాడుతూ ''ఇటీవలే కథా చర్చలు పూర్తయ్యాయి. ఇప్పటి ప్రేక్షకుల అభిరుచులకు తగ్గట్టుగా మంచి కథని సిద్ధం చేశారు గాంధి. త్వరలోనే ఆ చిత్రాన్ని సెట్స్పైకి తీసుకెళ్లబోతున్నాం. వరుస విజయాలను సొంతం చేసుకొంటున్న ఓ యంగ్ హీరో ఇందులో నటించబోతున్నాడు. ఆ వివరాల్ని మరికొద్ది రోజుల్లో వెల్లడిస్తాము''అన్నారు. ఈ చిత్రానికి సమర్పణ: డి.పార్వతి.
Continue with Google