Don't Miss!
- Finance Ola Cabs IPO: త్వరలో ఓలా క్యాబ్స్ ఐపీఓ..
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- News టీడీపీ ప్లాన్ బీ- వంగవీటి రాధాకు టికెట్?
- Sports అందుకే ధోనీ ముందుగా బ్యాటింగ్కు రావట్లేదు- CSK కోచ్
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
ఎన్టీఆర్ తో ‘కత్తి’ రీమేక్...డైరక్టర్ ఎవరంటే
హైదరాబాద్: విజయ్,సమంత కాంబినేషన్ లో మురుగదాస్ దర్శకత్వంలో రూపొంది సూపర్ హిట్ గా నిలిచిన చిత్రం కత్తి. ఈ చిత్రం తెలుగు హక్కులను ఠాగూర్ మధు సొంతం చేసుకున్న సంగతి తెలిసిందే. ఈ చిత్రాన్ని డబ్ చేద్దామా లేక తెలుగులో రీమేక్ చేద్దామా అనే డైలమో చాలా కాలం కొనసాగింది. అయితే తాజాగా అందిన సమాచారం ప్రకారం ఈ చిత్రం రీమేక్ కు జూ.ఎన్టీఆర్ గ్రీన్ సిగ్నల్ ఇచ్చినట్లు తెలుస్తోంది.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
ఈ చిత్రాన్ని నల్లమలుపు బుజ్జి, ఠాగూర్ మధు కలిసి బుజ్జి బ్యానర్ పై రూపొందించనున్నట్లు తెలుస్తోంది. ఈ చిత్రం సుకుమార్ చిత్రం పట్టాలు ఎక్కిన తర్వాత ప్రారంభం అవనుంది.సుకుమార్ చిత్రం , ఈ చిత్రం ఒకే సారి చేస్తారని తెలుస్తోంది. ఈ చిత్రానికి దర్శకుడుగా గోపిచంద్ మలినేని ఎంపిక చేసుకున్నట్లు తెసుస్తోంది. డాన్ శీను చిత్రంతో పరిచయమైన గోపీచంద్ మలినేని తర్వాత బలుపుతో హిట్ కొట్టారు. ఇప్పుడు రామ్ హీరోగా పండుగ చేస్కో చిత్రం చేస్తున్నారు. ఈ చిత్రం అనంతరం...స్క్రిప్టుపై కూర్చోనున్నారని తెలుస్తోంది.
మొదట పవన్ తో ఈ రీమేక్ అనుకున్నారు. అయితే ఆయన ఆసక్తి చూపకపోవడంతో డబ్బింగ్ చేసి విడుదల చేయడానికి సన్నాహాలు చేశారు. తాజాగా విడుదల సందిగ్దంలో పడింది. ఎన్టీఆర్ తో రీమేక్ చేయడానికి మధు ఆసక్తి చూపిస్తున్నారు. అందుకే తమిళంలో సుమారు 100 కోట్లు వసూలు చేసిన ఈ చిత్రం డబ్బింగ్ వెర్షన్ ఇంకా తెలుగులో విడుదల చేయలేదు.
ఇళయ దళపతి విజయ్, సమంత జంటగా ఏఆర్ మురుగదాస్ దర్శకత్వంలో రూపొందిన తమిళ చిత్రం ‘కత్తి'. దీపావళి కానుకగా తమిళనాడులో విడుదలైన ఈ చిత్రం ఘన విజయం సాధిచింది. ప్రస్తుతం రైతులు ఎదుర్కుంటున్న సమస్యలను, కార్పొరేట్ కంపెనీల ఆగడాలను ఈ చిత్రంలో ప్రస్తావించారు.
‘కత్తి' లో... రైతుల కోసం పోరాడే పవర్ఫుల్ పాత్రలో విజయ్ అలరించారు. ఈ సినిమా తమిళంలో బ్లాక్బస్టర్ హిట్గా నిలిచింది. గత సంవత్సరం అక్టోబర్ నెలలో విడుదలైన ఈ చిత్రం తెలుగులో ఇప్పుడు విడుదలవుతుందని, అప్పుడు విడుదల అవుతుందని అనడమే కానీ ఇంతవరకూ ముందుకు కదల్లేదు. అయితే విశ్వసనీయ సమాచారం మేరకు కత్తిని తెలుగులో రీమేక్ చేసేందుకు స్టార్ హీరోలు సిద్ధంగా ఉండటమే లేటుకు కారణమని తెలుస్తోంది.