విడాకుల రూమర్లకు పవన్ పుల్‌స్టాప్.. సాక్ష్యాలివిగో..

భార్య లెజ్‌నోవాతో కలిసి బోస్టన్‌కు

కాటమరాయుడు చిత్ర షూటింగ్‌లో బిజీగా ఉన్న పవన్ కల్యాణ్ ఇండియా కాన్ఫరెన్స్ 2017 సదస్సులో పాల్గొనేందుకు అమెరికాలో పర్యటిస్తున్నారు. ఈ కార్యక్రమంలో పాల్గొనేందుకు పవన్ తన భార్య లెజ్‌నెవా కలిసి వెళ్లడం అనేక రూమార్లకు అడ్డుకట్టవేసింది. అమెరికాలో పర్యటిస్తున్న పవన్ దంపతుల మధ్య సంబంధాలు సానుకూలంగా ఉన్నట్టు ఫొటోల ద్వారా స్పష్టమైంది.

అభిమానుల ఆందోళనకు పవన్ తెర

వచ్చే ఎన్నికల్లో జనసేన పార్టీ పోటీ చేసేందుకు సిద్ధమవుతున్న నేపథ్యంలో పవన్ తన మూడో భార్యకు కూడా విడాకులు ఇస్తున్నారనే వార్తలు అభిమానులను, కార్యకర్తలను, చివరకి కుటుంబ సభ్యులను ఆందోళనకు గురిచేశాయి. తాజా చిత్రాల అలాంటి వివాదాస్పద అంశం వారి మధ్య లేదని సూచనలు కనిపించడంతో అభిమానులు, కార్యకర్తలు ఊపిరిపీల్చుకొన్నారు.

మూడో భార్యగా లెజ్‌నెవా

లెజ్‌నెవాతో వివావాహానికి ముందు చేసుకొన్న రెండు పెళ్లిళ్లు వివాదాస్పదంగా మారాయి. వ్యక్తిగత విభేదాల కారణంగా నందిని నుంచి పవన్ విడాకులు తీసుకొన్నారు. ఆ తర్వాత బద్రి చిత్రంలో నటించిన రేణుదేశాయ్‌ను వివాహం చేసుకొన్నారు. వారికి అఖిరా, ఆరాధ్య పిల్లలు కలిగారు. ఆ తర్వాత వారిద్దరి మధ్య అభిప్రాయ బేధాలు రావడంతో రేణు, పవన్ విడిపోయారు. అనంతరం లెజ్‌నెవాను వివాహం చేసుకొన్నారు. ప్రస్తుతం వీరిద్దరికి ఓ పాప కూడా పుట్టింది.

బోస్టన్ సదస్సుకు మాధవన్‌తో కలిసి పవన్

బోస్టన్ జరిగే సమావేశంలో బాలీవుడ్ నటుడు మాధవన్‌తో కలిసి పాల్గొననున్నారు. హర్వర్డ్ యూనివర్సిటీలో 14వ ఇండియా కాన్ఫరెన్స్ 2017 ఫిబ్రవరి 11, 12 తేదీలలో జరుగనున్నది. ఈ సమావేశంలో యువతకు స్ఫూర్తి కలిగించేలా ప్రసంగం చేయనున్నారు.