అలా మొదలైంది ఇలా వాయిదా పడింది.. ప్రభాస్ ఫ్యాన్స్‌కు షాక్

అన్నపూర్ణలో భారీ సెట్..

అయితే ఆ సంబరం మూన్నాళ్ల ముచ్చటగానే మిగిలిపోయింది. ఎంతో అట్టహాసంగా మొదలు పెట్టిన ఈ మూడో షెడ్యూల్‌కు ఆదిలోని కష్టాలు మొదలయ్యాయి. నిన్న అన్నపూర్ణలో భారీ సెట్ వేసి అంతా రంగం సిద్దం చేశారట. ఈ షెడ్యూల్‌లో పూజా హెగ్డే-ప్రభాస్ మధ్య వచ్చే సన్నివేశాలను చిత్రీకరించాలనేది ప్లాన్ అంట.

పూజకు అనారోగ్యం..

అన్నపూర్ణ స్టుడియోస్ లో వేసిన ప్రత్యేకమైన సెట్ లో ఈ సినిమా మూడో షెడ్యూల్ నిన్న మొదలైంది. నేటి నుంచి ప్రభాస్-పూజా హెగ్డే మధ్య సన్నివేశాలు తీయాలని అనుకున్నారట. కానీ అనారోగ్య కారణాల వల్ల పూజా హెగ్డే షూటింగ్‌కు రావడం లేదని సమాచారం. దీంతో ఈ షూటింగ్ వాయిదాపడిందని టాక్. అయితే షెడ్యూల్ మాత్రం కాన్సిల్ అవ్వలేదని తెలుస్తోంది.

పూజాతో సంబంధం లేని సీన్స్..

ఆమె కాంబినేషన్ లేకుండా అక్కడ ప్లాన్ చేసిన సన్నివేశాలను కానిచ్చేస్తున్నట్టు చెబుతున్నారు. ఆ తరువాత షెడ్యూల్‌ను రామోజీ ఫిల్మ్ సిటీలో ప్లాన్ చేశారట. అయితే భారీ సెట్ల నిర్మాణం పూర్తి కావడానికి ఇంకా సమయం పడుతుందని సమాచారం. మరీ ఆలస్యమయ్యేలా వుంటే, ముందు ఆస్ట్రియా షెడ్యూల్‌ను పూర్తి చేసుకు రావాలనే ఆలోచన చేస్తున్నట్టుగా చెప్పుకుంటున్నారు.

గతంలోనూ ఇలాగే..

గతంలో ఈ సినిమాకు సంబంధించిన ఆస్ట్రియా షెడ్యూల్‌ను ఓసారి క్యాన్సిల్ చేసుకుని తిరిగివచ్చారు. ఆ సమయంలో పూజా హెగ్డే అనారోగ్యం బారిన పడడంతో షూటింగ్ జరపడం కుదరలేదట. ఆస్ట్రియా షెడ్యూల్ లో ఎక్కువ భాగం సన్నివేశాలు ప్రభాస్ - పూజ పైన చిత్రీకరించాల్సి ఉందట. అయితే హై ఫీవర్ తో పూజ బాధ పడుతూ ఉండడంతో షూటింగ్ రద్దు చేసుకుని ఇండియాకు తిరిగి వచ్చారని అప్పట్లో వార్తలు వచ్చాయి.