మహేష్ ,మురగదాస్ సినిమాలో ఇంకో హీరో కీ రోల్, అసలు స్టోరీ లైన్ ఇదే?

లొసుగులను అడ్డం పెట్టుకుని..

ఇక ఈ చిత్రం కథ గురించి తమిళ సినీ సర్కిల్స్ లో ఓ కథనం ప్రచారం లోకి వచ్చింది. అందుతున్న సమాచారం ప్రకారం ఈ చిత్రంలో మహేష్ బాబు ఇంటిలిజెన్స్ బ్యూరో ఆఫీసర్ గా కనిపిస్తారు. ఇండియన్ లీగల్ సిస్టమ్ లో లొసుగులు అడ్డం పెట్టుకుని అక్రమాలు చేస్తున్నవారిపై యుద్దం ప్రకటిస్తారు.

అన్నదమ్ముల మధ్యే...

అలాగే ఈ చిత్రంలో మహేష్ కు, అతని సోదరుడుకు మద్య యుద్దం నడుస్తూంటుంది. అయితే అతని సోదరుడుగా కనిపించేది ఎస్ జె సూర్య కాదట. తమిల హీరో భరత్ అని తెలుస్తోంది. ఈ సినిమాలో మెయిన్ ట్విస్ట్ లలో ఇది ఒకటి అంటున్నారు.

తుపాకి టైప్ ట్విస్ట్ లు

తన తమ్ముడు విలన్ మనిషి ని తెలుసినప్పుడు అతన్ని పట్టుకోవాల్సిన పరిస్దితుల్లో హీరో మధన పడటం...ఎత్తుకు పై ఎత్తులుతో కథ నడుస్తుందని చెప్తున్నారు. మురగదాస్ గత చిత్రం తుపాకి తరహాలో ట్విస్ట్ లతో సినిమా నడుస్తుందంటున్నారు.

రిజిస్టర్ చేయించారు

ఈ సినిమా షూటింగ్ ప్రస్తుతం అహ్మదాబాద్ లో జరుగుతుండగా, ఈ చిత్రానికి హారిస్ జయరాజ్ సంగీతాన్ని అందిస్తున్నాడు. ఈ సినిమాకి ‘సంభవామి' అనే పేరు ఖరారయ్యే అవకాశాలున్నాయి. ఈ చిత్ర నిర్మాతలు ఫిల్మ్‌ ఛాంబర్‌లో ఆ టైటిల్‌ని రిజిస్టర్‌ చేయించారు. మొదట ఈ సినిమాకి ‘ఏజెంట్‌ శివ' అనే పేరు ప్రచారంలోకి వచ్చింది.

కీ సీన్స్

అయితే చిత్ర యూనిట్ ‘సంభవామి'పేరుకే మొగ్గు చూపుతోందట. తమిళంలోనూ అదే పేరు ఖరారు చేస్తారని సమాచారం. ఇందులో మహేష్‌ ఇంటెలిజెన్స్‌ అధికారి పాత్రలో కనిపిస్తారు. ప్రస్తుతం అహ్మదాబాద్‌, పుణెల్లో కీలక సన్నివేశాల్ని చిత్రీకరిస్తున్నారు.

కొత్త సంవత్సరం కానుక

ఈ సినిమా టైటిల్, లోగోను కొత్త సంవత్సరం కానుకగా జనవరి 1న విడుదల చేయనున్నారు. అదే విధంగా ఈ చిత్ర ఫస్ట్ లుక్ పోస్టర్ ను సంక్రాంతి కానుకగా విడుదల చేయబోతున్నట్లుగా తెలిసింది. మరికొద్ది రోజుల్లోనే అన్ని వివరాలను అధికారికంగా ప్రకటించనున్నారు. ప్రస్తుతం ఈ చిత్ర షూటింగ్ అహ్మదాబాద్ లో శరవేగంగా జరుగుతోంది. హారిస్ జయరాజ్ సంగీతం అందిస్తున్నారు.