మణిరత్నం చిత్రంలో రాంచరణ్ సోలో కాదట.. విజయ్, విక్రమ్

దళపతి కథ మాదిరిగానే.. మల్టీ స్టారర్

దక్షిణాది సూపర్‌స్టార్లు రజనీకాంత్, మమ్ముట్టితో మణిరత్నం రూపొందించిన దళపతి చిత్రం మాదిరిగానే రాంచరణ్ ఉంటుందట. ఈ చిత్రంలో చెర్రీతోపాటు తమిళ్ సూపర్ స్టార్ విజయ్, విక్రమ్ కూడా నటిస్తున్నారనే వార్త వెలుగులోకి వచ్చింది. ఈ సినిమాలో నటించేందుకు వారు ఇప్పటికే అంగీకారం తెలిపినట్టు సమాచారం.

చెలియా చిత్రం తర్వాత పట్టాలపైకి

చెలియ చిత్రం పనులు పూర్తికాగానే ఈ మెగా ప్రాజెక్ట్ జూన్‌లో ప్రారంభించే అవకాశం ఉంది. మణిరత్నం స్వయంగా నిర్మిస్తున్న ఈ చిత్రం కోసం లోకేషన్స్ ఎంపిక వేటలో ఉన్నట్టు సమాచారం. తమిళ, తెలుగు, హిందీ భాషల్లో ఈ సినిమా తెరకెక్కనున్నది.

లోకేషన్ వేటలో మణిరత్నం

ప్రస్తుతం మణిరత్నం టీమ్ ఈ కొత్త కాంబో చిత్రానికి లొకేషన్స్ ఫైనలైజ్ చేస్తున్నారని వినికిడి. తమిళ,తెలుగు,హిందీ భాషల్లో ఈ చిత్రం రూపొందనుంది. ఈ సినిమాని మణిరత్నం స్వయంగా నిర్మించనున్నారు.

తమిళ పరిశ్రమపై రాంచరణ్ దృష్టి

మణిరత్నం దర్శకత్వంలో నటించే అవకాశం రావడంపై రాంచరణ్ సంతోషంగా ఉన్నారట. ఈ చిత్రం ద్వారా తమిళ చిత్ర పరిశ్రమకు దగ్గర కావాలనే ప్రయత్నం చెర్రీ చేస్తున్నాడు. ఈ చిత్రం కోసం జూన్ నుంచి మణిరత్నానికి డేట్స్ ఇచ్చినట్లు తెలుస్తున్నది.