'దొంగ సచ్చినోళ్లు' పై రంభ ఫిర్యాదు

అందాల ఆరబోతలో ముందుండే రంభ తాను నటించిన తాజా చిత్రం 'దొంగసచ్చినోళ్లు' నిర్మాతలపై మూవీ ఆర్టిస్టుల సంఘానికి ఫిర్యాదు చేసింది. తనను ఆ నిర్మాతలు మోసం చేశారని, రెమ్యునరేషన్ పూర్తిగా చెల్లించలేదని ఆమె ఫిర్యాదు చేసింది. నిర్మాతలకు తనకు ఇంకా రెండు లక్షల రూపాయలు చెల్లించాల్సి ఉందని చెబుతోంది. ఆ మొత్తానికి తనకు ఇచ్చారని, అయితే ఆ చెక్కు చెల్లలేదని ఆమె తెలియజేసింది. కామెడీ చిత్రమైన దొంగ సచ్చినోళ్లులో కృష్ణ భగవాన్, రఘుబాబు ముఖ్యపాత్రలు పోషించారు. రంభ హీరోయిన్ పాత్రలో నటించింది. రాజా వన్నం రెడ్డి దర్శకత్వం వహించారు. షూటింగ్ పూర్తయినప్పటికీ తనకు ఇవ్వాల్సిన సొమ్మును చెల్లించలేదని రంభ ఆవేదన.