ప్రభాస్ డిన్నర్‌కి శ్రద్దా ఫిదా.. విందులో వంటకాల జాబితా ఇదే

శ్రద్దాకు రాయల్ ట్రీట్...

సాహో షూటింగ్ అనంతరం ఇటీవల చిత్ర యూనిట్ ఆటవిడుపుగా హైదరాబాద్ వంటకాలను రుచి చూడాలని ప్లాన్ చేశారట. ఈ చిత్ర షూటింగ్ లో పాల్గొనేందుకు అతిథిగా హైదరాబాద్ కు వచ్చిన శ్రద్ధా బ్రహ్మాండమైన విందును ప్రభాస్ ఏర్పాటు చేసినట్లు చిత్ర వర్గాలు తెలిపాయి. ఇందుకోసం ప్రభాస్ ప్రత్యేకంగా హైదరాబాద్ వంటలను చేయించారని వినికిడి.

20 రకాల వంటకాలతో...

అర్బాటంగా ఏర్పాటు చేసిన ఈ విందులో దాదాపు 20 రకాల నోరు ఊరించే వంటకాలను సిద్ధం చేశారట. వాటిని చూసి శ్రద్ధ మనసు ఆపుకోలేక పుష్టిగా విందారగించిందట. ప్రభాస్ ఇచ్చిన అతిథ్యానికి శ్రద్ధా ఫిదా అయిపోయిందట. హైదరాబాద్ వంటకాలను చాలా ఇష్టంగా తిన్నట్లు శ్రద్ధ తన సన్నిహితులతో చెప్పిందని సమాచారం.

సోషల్ మీడియాలో వైరల్...

ప్రభాస్ ఏర్పాటు చేసిన విందులో వంటకాలకు సంబంధించిన ఫోటో ఒకటి సోషల్ మీడియాలో వైరల్ గా మారింది. ఆ ఫోటోలో చాలా రకాల వంటకాలు కనిపించడం గమనార్హం. స్వతాహాగానే
ప్రభాస్ భోజన ప్రియుడు. ఈ విందులో వడ్డించిన ఆహార పదార్థాలు ప్రభాస్ టేస్ట్ కి అద్దం పట్టిందని చెప్పుకుంటున్నారు.

తొలిసారి టాలీవుడ్ కు...

బాలీవుడ్ లో అనేక హిట్ చిత్రాల్లో నటించిన శ్రద్ధా కపూర్ ప్రస్తుతం తొలిసారి టాలీవుడ్ లో రంగప్రవేశం చేసింది. బాహుబలి లాంటి సెన్సేషనల్ హిట్ తర్వాత ప్రభాస్ సరసన నటించే అవకాశాన్ని
దక్కించుకుంది. అంతేకాకుండా బ్యాడ్మింటన్ క్రిడాకారిణి సైనా నేహ్వాల్ బయోపిక్ లో నటించేందుకు గ్రీన్ సిగ్నల్ ఇచ్చింది.