రాజమౌళి చిత్రంలో శ్రీదేవి, ప్రముఖ నటుడు.. ద్వేషం పెంచుకొను.. వివాదానికి చెల్లుచీటి..

వివాదమైన రాజమౌళి కామెంట్లు

రాజమౌళి ఇటీవల శివగామి పాత్ర కోసం శ్రీదేవిని సంప్రదించాం. అయితే భారీగా రెమ్యునరేషన్ డిమాండ్ చేసింది. అంతేకాకుండా లాభాల్లో వాటా కూడా ఇవ్వాలి. ఓ హోటల్‌లో పలు రూమ్‌లు బుక్ చేయాలి అనే డిమాండ్లు పెట్టింది. ఒకవేళ ఆమెతో సినిమా చేస్తే బాహుబలి ఫ్లాప్ అయ్యేది అనే విధంగా రాజమౌళి మాట్లాడినట్టు వచ్చిన వార్తలు మీడియాలో సంచలనం రేపాయి.

Recommended Video

SS Rajamouli opens up about his next film | Filmibeat Telugu

నేను ద్వేషం పెంచుకోను

రాజమౌళి వ్యాఖ్యలపై శ్రీదేవి కూడా స్పందించింది. ఆ తర్వాత రాజమౌళి క్షమాపణలు చెప్పినట్టు వార్తలు రావడంతో ఆ వివాదం సద్దుమణిగింది. నేను వ్యక్తిగతంగా ఒకరిపై ద్వేషం పెంచుకొను. ఆయన అలా మాట్లాడుతారని నేను ఊహించలేదు. జరిగిపోయిందేదో జరిగిపోయింది. నేను పోషించని పాత్రల గురించి నేను పెద్దగా పట్టించుకోను. నటిగా నేను సవాళ్లను ఎదుర్కోవడమే నాకు ఇష్టం.

మామ్ సక్సెస్ జోష్ పెరిగింది..

మామ్ చిత్రం అద్భుతమైన అనుభూతిని పంచింది. ఆ సినిమా సక్సెస్‌ నాలో జోష్ పెంచింది. నటనకు స్కోప్ ఉన్న పాత్రలను పోషించడానికి ఎప్పుడూ ముందుంటాను. విభిన్నమైన పాత్రల కోసం ఎదురు చూస్తుంటాను అని శ్రీదేవి అన్నారు. పాత్ర బాగుంటే ఎవరితోనైనా కలిసి పనిచేయడానికి సిద్ధంగా ఉంటాను అని ఆమె అన్నారు.

శ్రీదేవితో రాజమౌళి సంప్రదింపులు

బాహుబలి2 చిత్రం తర్వాత తదుపరి చిత్రంపై రాజమౌళి దృష్టిపెట్టారు. కథ, కథనాలపై జక్కన్న కసరత్తు చేస్తున్నట్టు సమాచారం వెలువడుతున్నది. ఈ చిత్రం కోసం ప్రముఖ నటుడు మోహన్‌లాల్, శ్రీదేవిని సంప్రదించినట్టు సమాచారం. అయితే ఈ సినిమాపై త్వరలోనే అధికారికంగా ఓ ప్రకటన వెలువడే అవకాశం ఉంది. ఒకవేళ ఈ వార్త నిజమైతే సినీ ప్రేక్షకులకు పండుగేననే మాట వినిపిస్తున్నది.

సెప్టెంబర్‌లో చైనాలో బాహుబలి రిలీజ్

రాజమౌళి తన తదుపరి చిత్రంపై కసరత్తు చేస్తూనే చైనాలో బాహుబలి2 సినిమాను రిలీజ్ చేసే అంశంపై దృష్టిపెట్టారు. ఈ చిత్రాన్ని సెప్టెంబర్‌లో రిలీజ్ చేయడానికి రాజమౌళి ప్లాన్ చేస్తున్నారు. దంగల్ చిత్రానికి చైనాలో భారీ స్పందన రావడంతో బాహుబలి చిత్రాన్ని కూడా ఆదరిస్తారనే ఆశాభావాన్ని నిర్మాతలు వ్యక్తం చేస్తున్నారు.