»   »  ముమైత్ అభిమానుల ఆవేదన

ముమైత్ అభిమానుల ఆవేదన

Posted By:
Subscribe to Filmibeat Telugu
Mumaith Khan
సినీ స్టార్స్ కి ఫిట్ నెస్ పై శ్రధ్ధ ఎక్కువన్న విషయం తెలియంది కాదు. హీరోలంతా ఓ ప్రక్క పొలోమంటూ సిక్స్ పాక్ అంటూంటే..హీరోయిన్స్ అంతా సైజ్ జీరో అంటున్నారు. ఇప్పుడు అదే ట్రెండును ఫాలో అవటానికి టాలీవుడ్‌ హాట్‌ బేబ్‌ ముమైత్‌ ఖాన్‌ రెడీ అవుతోంది. పూరీ '1 4 3' సినిమాలో నాజూకుగా కన్పించిన ఈ ముంబాయి భామ ఇప్పుడు బొద్దుగుమ్మ లా తయారైంది. ఘనమైన అందాల్ని ఆరబోస్తూ అందరినీ అలరిస్తూన్నా.అదుపు తప్పుతున్న దేహంతో ఎంతో కాలం మనుగడ సాగించటం కష్టమని ఆమె అర్ధం చేసుకుని వ్యాయామాలు గట్రా చేస్తోందిట.కానీ ఈ నిర్ణయం ఆమె అభిమానులను కలవరపెడుతోందిట.

అందులోనూ ఆమె హీరోయిన్ గా చేసిన రెండు సినిమాలు రిలీజుకు రెడీ గా ఉన్నాయి. అందులో ఒకటి 'పున్నమి నాగు' . చిరంజీవి, మాధవి కలిసి నటించిన 'పున్నమినాగు' ఎంత పెద్ద హిట్టో అందరికీ తెలిసిందే. మళ్లీ అదే టైటిల్‌తో ఏస్‌ డైరెక్టర్‌ కోదండరామిరెడ్డి సినిమాని నిర్మిస్తున్నారు. ప్రధాన పాత్ర పోషిస్తున్న ఈ చిత్రం విడుదలకు సిద్దమైంది. అలాగే ఆమె ప్రధాన పాత్రలో నటించిన మరో చిత్రం 'టార్గెట్'. ఇందులో ఆమె 'బేసిక్‌ ఇన్‌స్టింక్ట్‌' లో షరాన్‌ స్టోన్‌ తరహా కేరెక్టర్ ‌చేస్తోంది. హీరో శివబాలాజి ఇన్వెస్టిగేటర్‌గా నటిస్తున్నాడు. అందాల ఆరబోతకే కాకుండా నటనకు ప్రాధాన్యమున్న పాత్రను పోషిస్తున్న ముమైత్‌ ఖాన్‌ ఈ చిత్రం విజయంపై పెద్ద ఆశలే పెట్టుకుంది. ఆగస్టులో ఈ రెండు సినిమాలో రీలీజయ్యే అవకాశం ఉంది. ఇలా ఈ ఐటం బాంబ్‌ వరస ఆఫర్స్ సాధిస్తూ మరింత మజా అందించటానికే ఫిట్ నెస్ కోసం తాపత్రయపడుతున్నానంటోంది. అయితే అభిమానులు మాత్రం ఆమె తగ్గటం ఇష్టం లేక ఎస్.ఎమ్.ఎస్ లు పంపుతున్నారుట. మరి ముమైత్ యే నిర్ణయం తీసుకుంటుందో చూడాలి.

 

తక్షణ సినీ వార్తలు, మూవీ రివ్యూలను రోజంతా పొందండి - Filmibeat Telugu

X