కరీనా కాపురంలో కరణ్ చిచ్చు.. నా కూతురు నా ఇష్టం.. సైఫ్

సారాకు కరణ్ అయితేనే మంచిది

కరణ్ జోహార్‌కు చెందిన ధర్మ ఫిలిం ప్రొడక్షన్‌లో నటిస్తే సారా కెరీర్ ఆలియాభట్ మాదిరిగా దూసుకెళ్తుందనేది కరీర్ అభిప్రాయం. కరణ్ చిత్రంతో కెరీర్ ప్రారంభించిన ఆలియా గ్రాఫ్ ఎలా దూసుకుపోయిందో అందుకు ఉదాహరణ అని సైఫ్‌కు కరీనా చెప్పిందట. ఆ విషయంపై సైఫ్ అసంతృప్తిని వ్యక్తం చేశాడట.

హీరోయిన్లను కరణ్ బాగా చూసుకొంటాడు

బాలీవుడ్‌లో రాణించాలంటే కరణ్ లాంటి దర్శక, నిర్మాత సహకారం ఎంతో అవసరం. హీరోయిన్లను చాలా బాగా చూసుకొంటాడు. వారికి ఎలాంటి ఇబ్బంది కలుగకుండా కరణ్ జాగ్రత్తలు తీసుకొంటాడు. ఇతర సినీ ప్రముఖులకు సారా తీసుకోమని సిఫారసు చేసే అవకాశం కూడా ఉంటుంది. దాంతో సారా కెరీర్ కూడా ఆలియా భట్ మాదిరిగా ఉంటుందని సైఫ్‌కు కరీనా నచ్చచెప్పిందట.

సారా కెరీర్ ఎవరిపై ఆధారపడవద్దు.

తన కూతురు సారా కెరీర్ ఎవరి జీవితంపై ఆధారపడకూడదనేది సైఫ్ వాదన. స్వయంగా కెరీర్‌ను సారానే డిజైన్ చేసుకోవాలని, ఒకరి ప్రభావం ఉండకూడదని ప్రస్తుతం చోటా నవాబ్ భావిస్తున్నాడు. అంతేకాకుండా ఆలియా అడుగు జాడల్లో నడువాల్సిన పని లేదంటున్నాడు సైఫ్.

కరీనా జోక్యం చేసుకోకు..

బాలీవుడ్‌లో సారా కెరీర్ విషయంలో ఎవరూ తలదూర్చకూడదని విషయాన్ని కరీనాకు సైఫ్ గట్టిగానే చెప్పాడట. దాంతో ఈ వ్యవహారంలో తన జోక్యం ఉండదని కరీనా వెల్లడించిందట. సారా వ్యవహారం పచ్చగా సాగుతున్న కాపురంలో కొంత అసంతృప్తి కలుగడానికి కారణమైందని వార్త బాలీవుడ్‌లో ప్రచారం జరుగుతున్నది.

కరణ్ దర్శకత్వంలో ఆలియా..

బాలీవుడ్‌లో అగ్రదర్శకుడైన మహేశ్ భట్ కూతురు ఆలియాభట్ 2012లో స్టూడెంట్ ఆఫ్ ది ఇయర్ చిత్రంతో బాలీవుడ్‌లోకి ప్రవేశించింది. ఆ తర్వాత 2 స్టేట్స్, హంప్టి శర్మ కి దుల్హనియా, కపూర్ అండ్ సన్స్, డియర్ జిందగీ, ఉడ్తా పంజాబ్ లాంటి విజయవంతమైన చిత్రాలు ఆలియాను అగ్ర హీరోయిన్‌గా నిలబెట్టాయి.

కంటతడి పెట్టిన కరణ్

వెండితెరమీద హీరోయిన్‌గా రాణించాలన్న తన కలను దర్శకుడు కరణ్ జోహార్ నిజం చేశాడని ఇటీవల ఫిలింఫేర్ అవార్డుల కార్యక్రమంలో ఆలియా భట్ బహిరంగంగా చెప్పింది. కరణ్ లేకపోతే తన సినీ జీవితం ఇలా ఉండేది కాదని ఆమె వెల్లడించింది. అందుకు కరణ్‌కు జీవితాంతం రుణపడి ఉంటానని ఆలియా చెప్పింది. ఆలియా మాటలు విన్న కరణ్ అవార్డుల వేదికపై భావోద్వేగానికి గురై కంటతడి పెట్టుకోవడం గమనార్హం.