నాగబాబు కొడుకు ప్రాజెక్టుకి మళ్లీ బ్రేకులు

హైదరాబాద్ : నాగబాబు కుమారుడు వరుణ్ తేజ చిత్రానికి మరో సారి బ్రేకులు పడినట్లు సమాచారం. మొదట శ్రీకాంత్ అడ్డాల, తర్వాత పూరీ జగన్నాథ్ లను దర్శకులను అనుకుని చివరి నిముషాల్లో మనస్సు మార్చుకుని క్రిష్ చేతిలో పెడదామని ఫిక్స్ అయిన సంగతి తెలిసిందే. అయితే క్రిష్ కాంబినేషన్ లో ఈ ప్రాజెక్టు కాన్సిల్ అయినట్లు విశ్వసనీయ సమాచారం. అశ్వనీదత్ నిర్మించే ఈ చిత్రం కోసం మరో ఇద్దరు దర్శకులని సంప్రదింపులు జరుపుతున్నట్లు తెలుస్తోంపది. ఆ దర్శకులు గతంలో ఇదే బ్యానర్ లో పనిచేసినవారే.

చిరంజీవి కుటుంబం నుంచి మరో హీరో రాబోతున్నారనగానే అందరిలో ఆసక్తి పెరిగింది. దర్శకుడు ఎవరై ఉంటారుఅనేది మొదటి నుంచి హాట్ టాపిక్ గా మారింది. మొదట శ్రీకాంత్ అడ్డాల ని అనుకున్నారు. కాని పర్శనల్ కారణాల వల్ల అతను తప్పుకోవటంతో పూరీ ని అనుకున్నారు. పూరీ వెళ్లి స్టోరీ నేరేట్ చేసారని కూడా వినపడింది. అయితే అనుకోని విధంగా ఈ మార్పు జరిగింది. అందుకే పూరీ హడావిడిగా నితిన్ తో హార్ట్ ఎటాక్ చిత్రం ప్రకటించాడని అంటున్నారు.

ఇక క్రిష్ విషయానికి వస్తే ....ఆయన మహేష్ తో చేయబోయే శివం చిత్రం 2014లో ఈ చిత్రం మొదలుకానున్నదని తెలుస్తోంది. 2013 చివరలో ఈ చిత్రం పూజతో ప్రారంభం చేసి...2014 ప్రారంభంలో రెగ్యులర్ షూటింగ్ మొదలయ్యే అవకాసం ఉందని తెలుస్తోంది. కొన్ని నెలల క్రితమే మహేశ్, సోనాక్షి జంటగా క్రిష్ దర్శకత్వంలో ఓ చిత్రాన్ని నిర్మించబోతున్నట్లు నిర్మాత సి. అశ్వనీదత్ తెలిపారు.