హాట్ టాపిక్: విజయ్ దేవరకొండకు ఊహించని కష్టం.. సమంత వల్ల ఖాళీ ఉండడం లేదట.!

విజయ్‌కు భారీ షాక్ తగిలింది దీనితోనే

‘అర్జున్ రెడ్డి' తర్వాత ‘గీత గోవిందం' రూపంలో భారీ విజయాన్ని అందుకున్నాడు క్రేజీ హీరో విజయ్ దేవరకొండ. దీని తర్వాత వచ్చిన ‘టాక్సీవాలా' కూడా పర్వాలేదనిపించింది. అయితే, గత ఏడాది విడుదలైన ‘డియర్ కామ్రేడ్' మాత్రం భారీ పరాజయాన్ని మూటగట్టుకుంది. భారీ అంచనాలతో విడుదలైన ఈ సినిమా నిరాశను మిగల్చడంతో చిత్ర యూనిట్‌కు భారీ షాక్ తగిలినట్లైంది.

ప్రేమికుల రోజున నలుగురు అమ్మాయిలతో..

విజయ్ ప్రస్తుతం క్రాంతి మాధవ్ దర్శకత్వంలో ‘వరల్డ్ ఫేమస్ లవర్' అనే మూవీలో నటిస్తున్నాడు. ఇందులో అతడి సరసన రాశీ ఖన్నా, ఐశ్వర్య రాజేష్‌, కేథరిన్‌, ఇజబెల్లె లైట్‌లు హీరోయిన్లుగా నటిస్తున్నారు. కేఎస్ రామారావు సమర్పిస్తున్న ఈ మూవీని క్రియేటివ్ కమర్షియల్స్ సంస్థ నిర్మిస్తోంది. ఈ మూవీ ప్రేమికుల రోజు కానుకగా ఫిబ్రవరి 14న విడుదల కానుంది.

టీజర్‌తో సినిమాపై ఊహాగానాలు మొదలు

కొద్ది రోజుల క్రితం విడుదల చేసిన పోస్టర్లు, టీజర్ వల్ల ఈ సినిమాపై ఎన్నో ఊహాగానాలు మొదలయ్యాయి. ఇందులో నలుగురు హీరోయిన్లతో విజయ్ నాలుగు గెటప్‌లలో కనిపిస్తున్నాడు. అలాగే, టీజర్‌లో కూడా నాలుగు వేరియేషన్ల బాడీ లాంగ్వేజ్‌తో దర్శనమిచ్చాడు. దీంతో ఈ మూవీలో అతడు చేసేది నాలుగు పాత్రలా.. నాలుగు వేరియేషన్లా.? అనేది ఆసక్తికరంగా మారింది.

విజయ్ సినిమా స్టోరీ లీక్.. అదే మెయిన్

ఇటీవల ‘వరల్డ్ ఫేమస్ లవర్' స్టోరీ లీక్ అయిందంటూ ఓ వార్త ఇండస్ట్రీలో చక్కర్లు కొట్టింది. దీని ప్రకారం.. ఈ సినిమాలో విజయ్ సినీ రచయితగా నటిస్తున్నాడట. తన వృత్తిలో భాగంగా ఓ మూవీ కోసం కథ రాస్తాడట. అందులో భాగంగానే ఒకే కథను నాలుగు వేరియేషన్లలో రాస్తాడని, వాటిలో తననే హీరోగా ఊహించుకుంటాడని అంటున్నారు. దీనికి స్క్రీన్‌ప్లేనే మెయిన్ అని టాక్.

విజయ్ దేవరకొండకు ఊహించని కష్టం

తక్కువ కాలంలోనే తెలుగులో స్టార్ హీరో అయిపోయాడు రౌడీ హీరో విజయ్ దేవరకొండ. ఇలాంటి హీరోకు థియేటర్లు దొరకడం లేదట. అవును.. తాజాగా ఇండస్ట్రీలో చర్చనీయాంశం అవుతున్న సమాచారాన్ని బట్టి... ‘వరల్డ్ ఫేమస్ లవర్'కు థియేటర్ల సమస్య వచ్చి పడిందని అంటున్నారు. సినిమా విడుదలకు సమయం లేకపోవడంతో చిత్ర యూనిట్ టెన్షన్ పడుతుందని సమాచారం.

సమంత వల్ల ఖాళీ ఉండడం లేదట.!

సమంత - శర్వానంద్ జంటగా నటించిన చిత్రం ‘జాను'. తమిళంలో సూపర్ హిట్ అయిన ‘96'కు ఇది రీమేక్‌గా వస్తోంది. మాతృకను తెరకెక్కించిన డైరెక్టరే దీన్ని కూడా రూపొందించాడు. అలాగే, దిల్ రాజు నిర్మిస్తున్నాడు. ఈ మూవీ ఫిబ్రవరి ఏడున విడుదల అవుతోంది. దీంతో ఈ సినిమాకే ఎక్కువ థియేటర్లు ఆక్యూపై అయ్యాయని, దీనివల్ల విజయ్‌కు కష్టాలు వచ్చాయని తెలుస్తోంది.