రాంచరణ్‌ను చూస్తే ఈర్ష.. చెర్రీకి 2వ సినిమాలో.. నాకు 151 మూవీలో అంటూ చిరంజీవి

12 ఏళ్ల క్రితం

సైరా చిత్రం ఎన్నో ఏళ్లుగా ఉన్న నా కల. ఇప్పుడు ఇలా నెరవేరుతుంది. 12 ఏళ్ల క్రితం స్టార్ రైటర్లు పరుచూరి సోదరులు నాకు కథ చెప్పారు. అప్పుడే చేద్దామని అనుకొన్నాను. కానీ అప్పుడే 70 కోట్ల బడ్జెట్ కావాల్సి వచ్చింది. కానీ మేము అనుకొన్నది రూ.40 కోట్లే. కానీ బాహుబలి1 తర్వాత మాకు నమ్మకం కలిగింది. బడ్జెట్ ఎంతైనా సరే. మనకు వచ్చేస్తుందనే నమ్మకంతో రాంచరణ్ ముందుకు వచ్చాడు. అలా సైరా కల సాకారమైంది.

ఖైదీ నంబర్ 150తో

సైరా సినిమాను 12 ఏళ్ల క్రితమే చేయాలనుకొన్నాం. కానీ నాకు 9 ఏళ్ల గ్యాప్ వచ్చింది. జనరేషన్ మారింది నన్ను అంగీకరిస్తారా అనే అనుమానం కలిగింది. అయితే అలాంటి పరిస్థితుల్లో తమిళంలో విజయం సాధించిన కత్తి సినిమాను ఖైదీ నంబర్ 150గా తీసాం. ఏపీలో బ్లాక్‌బస్టర్ విజయాన్ని అందించింది. ఆ తర్వాత నాకు నా మీద, ప్రేక్షకుల మీద మరింత నమ్మకం కలిగింది.

రాంచరణ్‌ను చూస్తే ఈర్ష

సైరా సినిమాకు ముందు రాంచరణ్‌ చూస్తే ఈర్ష కలిగేది. తన రెండో సినిమాకే క్యాస్టూమ్ డ్రామా చేసే అవకాశం మగధీర రూపంలో వచ్చింది. నేను 150 సినిమాలు చేస్తే గానీ సైరా రూపంలో క్యాస్టూమ్ డ్రామాతో కూడిన సినిమాగా వచ్చింది. రాంచరణ్ ఈ సినిమాను రూపొందించి నాకు గిఫ్ట్ ఇచ్చారు. సాధారణంగా కొడుకును తండ్రి ప్రమోట్ చేసే అవకాశం ఉంటుంది. కానీ ఇప్పుడు తండ్రిని ప్రమోట్ చేస్తున్న రాంచరణ్ చూస్తున్నాను అని చిరంజీవి అన్నారు.

అరవింద్ స్వామి నాకు డబ్బింగ్

తమిళంలో నాకు డబ్బింగ్ అరవింద్ స్వామి చెప్పారు. అందుకు నా థ్యాంక్స్. అలాగే సినిమాలో ఆరంభం.. క్లైమాక్స్‌లో కొన్ని డైలాగ్స్ ఉంటాయి. వాటిని నా మిత్రుడు కమల్ హాసన్ చెప్పారు. అడగ్గానే నా సినిమాకు గొంతును ఇచ్చిన కమల్‌కు థ్యాంక్స్. మలయాళంలో మోహన్ లాల్ చెబుతున్నారు. తెలుగులోనా సోదరుడు పవన్ కల్యాణ్ చెప్పారు.

విజయ్ సేతుపతి గ్రేట్

ఇక సైరాలో కీలక పాత్రలో నటించిన విజయ్ సేతుపతికి ధన్యవాదాలు. విజయ్ సేతుపతి గొప్ప నటుడు. ఈ చిత్రంలో ఆయన పాత్ర అద్భుతంగా ఉంటుంది. సైరా తెలుగు సినిమా కాదు. రిజినల్ సినిమా అంతకంటే కాదు. ఇది ఇండియన్ సినిమా అని అన్నారు. ఈ చిత్రంలో నటించమని అడిగినప్పుడు అమితాబ్ వెంటనే ఒప్పుకొన్నాడు. ఆయన ఆశీస్సులతో ఈ సినిమా విజయవంతం అవుతుంది అని చిరంజీవి పేర్కొన్నారు.