‘మా’ వివాదంపై మంచు మనోజ్: నేను వెళితే అందరికీ ఫసకే...

మనోజ్‌ను ‘మా' ప్రెసిడెంట్‌గా చూడాలన్న అభిమాని

ఈ పరిణామాల నేపషథ్యంలో మంచు మనోజ్ ట్విట్టర్లో చేసిన ఓ ట్వీట్ హాట్ టాపిక్ అయింది. మనోజ్ అభిమాని ఒకరు ‘మా అసోసియేషన్‌కి నిన్ను ప్రెసిడెంట్‌గా చూడాలని ఉంది బ్రో' అంటూ ట్వీట్ చేశాడు. అభిమాని చేసిన ట్వీట్‌కు మనోజ్ ఆసక్తికర సమాధానం ఇచ్చారు.

నేను వస్తే అందరికీ ఫసకే..

‘‘నేను వెళితే అపుడు తప్పకుండా అందరికీ ఫసకే. ‘మా' చాలా నిజాయితీ గల సంస్థ. సంస్థలలో ఏవో తప్పుడు వ్యవహారాలు జరిగినట్లు ఆరోపణలు వచ్చిన నేపథ్యంలో అని తప్పు అని నిరూపించడం కోసమైనా రివిజన్ కమిటీ వేస్తారని భావిస్తున్నాను.

పారిపోవడానికి వాళ్లేమీ చికెన్స్ కాదు

వాళ్లేమీ చికెన్స్ కాదు.. చికెన్స్‌లా దూరంగా పారిపోవడానికి. ఎవరైనా వచ్చి చెక్ చేసుకోవడానికి వీలుగా ‘మా' తలుపులు ఎప్పుడూ తెరిచే ఉంటాయని నేను నమ్ముతున్నా. ‘మా'లో ఎలాంటి తప్పులు జరుగడం లేదని ప్రూవ్ అవుతుందని నమ్ముతున్నాను అంటూ మనోజ్ ట్వీట్ చేశాడు.

ఫసక్ అంటే ఏమిటి?

ఇటీవల మోహన్ బాబు ఓ నేషనల్ మీడియా ఇంటర్వ్యూలో మాట్లాడుతూ ‘ఫసక్' అనే పదాన్ని వాడారు. దీంతో ఆ పదం కాస్త సోషల్ మీడియాలో ట్రెండ్ అయింది. ఆయన వారసులు కూడా ఈ పదాన్ని వాడుతూ... తమ ప్రత్యేకతను చాటుకుంటున్నారు.