దర్శకుడు ఇంద్రగంటి జోస్యం.. పప్పులో కాలేసిన నాని.. ఏం జరిగిందంటే..

అష్టాచెమ్మా ఆడిషన్స్ సమయంలో

2008లో అష్టాచెమ్మా చిత్రం ఆడిషన్స్ జరుగుతున్న సమయంలో నాని వచ్చాడు. ఆ సమయంలో రేడియో జాకీగా పనిచేస్తున్నాడు. ఆడిషన్స్ తర్వాత ఏ విషయమనేది తనకు తర్వాత చెబుతానని పంపించాను. ఆ తర్వాత నానికి ఈమెయిల్ చేసి అష్టా చెమ్మాలో హీరోగా నటిస్తున్నావు అని ఈమెయిల్ చేశాను అని దర్శకుడు ఇంద్రగంటి మోహన్ కృష్ తెలిపారు.

నానిలో స్టార్ మెటీరియల్ ఉందని

అయితే ఆ ఈమెయిల్‌లో నేను నీలో స్టార్ మెటీరియల్ బాగా ఉంది. ఎప్పటికైనా పెద్ద స్టార్ అవుతావు అని మెయిల్ రాశాను. అది నానికి గుర్తుండి ఉంటుందేమో. నేను చెప్పిన మాటలు రుజువు కావడానికి దాదాపు పదేళ్లు పట్టింది. స్టార్‌గా నాని మరింత ఎదుగుతాడు. జెర్సీ సినిమా భారీ హిట్ అవుతుంది అని ఇంద్రగంటి చెప్పారు.

ఇంద్రగంటి మాటలు నమ్మలేదని

తాజాగా మీడియాకు ఇచ్చిన ఇంటర్వ్యూ సందర్బంగా నాని మాట్లాడుతూ ఇంద్రగంటి మాటలను గుర్తు చేసుకొన్నారు. ఇంద్రగంటి మాటలను నేను నమ్మలేదు. ఏదో నా మీద ప్రేమ కొద్ది అలా అంటున్నాడనుకొన్నాను. అష్టా చెమ్మా షూటింగ్ సమయంలో కూడా ఆ సినిమా ఆడుతుందా? లేక చూడటానికి ప్రేక్షకులు వస్తారా అనే సందేహం ఉండేది అని నాని అన్నారు. ..

అష్టాచెమ్మా నటుడిగా నాకు మంచి అవకాశం

అష్టా చెమ్మా విషయంలో నా అంచనాలు తప్పు అయ్యాయి. ఆ సినిమా మంచి విజయం అందుకొన్నది. ఆ తర్వాత నటుడిగా నాకు మంచి పేరు తెచ్చింది. నా టాలెంట్ విషయంలో ఇంద్రగంటి మోహనకృష్ణ ఊహించింది నిజమైంది. స్టార్‌గా ఎదగడానికి ఆ సినిమా నాకు మంచి అవకాశంగా మారింది అని నాని అన్నారు.