Don't Miss!
- News జగన్ ను జైల్లో పెట్టావ్.. పుట్టపర్తి సాయిబాబా సంపదంతా దోచుకున్నావ్: తగ్గని మంత్రి పెద్దిరెడ్డి
- Technology Lava ProWatch లావా ప్రోవాచ్ డిజైన్, ధర వివరాలు లీక్.. ఫంక్షన్ కీ సహా కీలక హెల్త్ ట్రాకర్లు..!!
- Sports ముక్కలవుతున్న ముంబై.. హార్దిక్ను విమర్శిస్తూ నబీ పోస్ట్
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
తన రికార్డును తానే బ్రేక్ చేసిన నితిన్: హిట్ మూవీ కంటే ఎక్కువ కొట్టిన ‘రంగ్ దే’
గత ఏడాది 'భీష్మ'తో భారీ హిట్ను తన ఖాతాలో వేసుకున్నాడు టాలీవుడ్ యూత్ స్టార్ నితిన్. అయితే, ఈ సంవత్సరం మాత్రం అతడికి అంతగా కలిసి రావడం లేదు. దీనికి కారణం ఇప్పటికే ఈ యంగ్ హీరో రెండు సినిమాలతో ప్రేక్షకుల ముందుకు వచ్చాడు. అందులో ఒకటి చంద్రశేఖర్ ఏలేటి తెరకెక్కించిన 'చెక్' కాగా.. ఇంకోటి వెంకీ అట్లూరి తీసిన 'రంగ్ దే'. ఈ రెండు చిత్రాలూ బాక్సాఫీస్ ముందు దారుణమైన పరాజయాలను చవి చూశాయి. దీంతో అతడు తీవ్ర నిరాశకు లోనవుతున్నాడు. ఈ నేపథ్యంలో తాజాగా నితిన్ ఓ విషయంలో తన రికార్డును తానే బద్దలు కొట్టుకున్నాడు.
ఎన్నో అంచనాల నడుమ విడుదలైన 'రంగ్ దే' చిత్రానికి థియేటర్లలో మంచి స్పందన దక్కలేదు. కానీ, జీ5 ఓటీటీలో మాత్రం ఇది సూపర్ హిట్ అయింది. అలాగే, తాజాగా ఈ చిత్రం వరల్డ్ టెలివిజన్ ప్రీమియర్గా ప్రసారం అయింది. దీనికి బుల్లితెరపై కూడా మంచి రెస్పాన్స్ వచ్చింది. ఫలితంగా ఈ సినిమాకు 7 పైచిలుకు రేటింగ్ వచ్చింది. తద్వారా తన గత చిత్రం 'భీష్మ' పేరిట ఉన్న రేటింగ్ రికార్డు (6.65)ను బ్రేక్ చేశాడు. థియేటర్లలో పెద్దగా రాణించలేకపోయిన ఈ మూవీ.. ఓటీటీతో పాటు బుల్లితెర ప్రేక్షకుల ఆదరణను అందుకోవడం పట్ల చిత్ర యూనిట్ సంతృప్తిగా ఉంది.
ఇదిలా ఉండగా.. నితిన్ ప్రస్తుతం 'మాస్ట్రో' అనే సినిమాలో నటిస్తున్నాడు. బాలీవుడ్లో విడుదలై భారీ విజయాన్ని అందుకున్న 'అంధాధున్'కు ఇది రీమేక్గా వస్తోంది. ఎంతో ప్రతిష్టాత్మకంగా రూపొందుతోన్న ఈ సినిమాలో అతడు అంధుడిగా నటిస్తున్న విషయం తెలిసిందే. క్రైమ్ థ్రిల్లర్గా ఇది తెరకెక్కుతోంది. ఈ చిత్రాన్ని నితిన్ సొంత బ్యానర్లో నిర్మిస్తున్నాడు. ఇందులో హీరోయిన్గా ఇస్మార్ట్ బ్యూటీ నభా నటేష్ నటిస్తోంది. అలాగే, అత్యంత ముఖ్యమైన పాత్రలో మిల్కీ బ్యూటీ తమన్నా భాటియా కనిపించనుంది. ఇది నేరుగా ఓటీటీలో విడుదల కాబోతుంది.