ప్రభాస్ డేరింగ్ స్టెప్: సినిమా టైటిల్ మార్చేసిన యంగ్ రెబెల్ స్టార్.. కొత్త పేరు అదిరిపోయిందిగా.!

నష్టాలు వచ్చినా ప్రభాస్‌కు మాత్రం లాభమే

గత ఏడాది ప్రభాస్ ‘సాహో' అనే సినిమాతో ప్రేక్షకుల ముందుకు వచ్చాడు. సుజిత్ దర్శకత్వంలో ఎన్నో అంచనాలతో తెరకెక్కిన ఈ మూవీ బాక్సాఫీస్ ముందు బోల్తా కొట్టింది. దీంతో నిర్మాతలకు నష్టాలు వచ్చాయి. అయితే, ఈ మూవీ ప్రభాస్‌కు మాత్రం లాభాలనే చేకూర్చింది. దీని వల్ల హిందీలో అతడి మార్కెట్ పెరగడంతో పాటు అక్కడ కలెక్షన్లు కూడా భారీగా వచ్చాయి.

సరికొత్త ప్రయోగం.. ఇది కూడా ఆ రేంజ్‌లోనే

‘సాహో' వంటి పూర్తి యాక్షన్ ఎంటర్‌టైనర్ తర్వాత ప్రభాస్.. రాధాకృష్ణ దర్శకత్వంలో నటిస్తున్నాడు. దీనికి ‘జాన్' అనే టైటిల్ పరిశీలనలో ఉంది. ఇందులో యంగ్ రెబెల్ స్టార్ రొమాంటిక్ యాంగిల్ చూపించబోతున్నాడు. పూర్తి రొమాంటిక్ జోనర్‌లో తెరకెక్కుతున్న ఈ సినిమాను కూడా పాన్ ఇండియా రేంజ్‌లో విడుదల చేస్తారని ప్రచారం జరుగుతోంది. పూజా హెగ్డే ఇందులో హీరోయిన్.

ఎన్నో లీకులు.. అసలుది మాత్రం సస్పెన్స్

ఈ సినిమా షూటింగ్ ప్రారంభమైనప్పటి నుంచి దీనిపై ఎన్నో వార్తలు ప్రచారం అవుతున్నాయి. ఈ మూవీ పునర్జన్మల నేపథ్యంతో వస్తుందని, ఇందులో ప్రభాస్ దొంగగా నటిస్తున్నాడని పుకార్లు షికార్లు చేస్తున్నారు. మరోవైపు, కొద్ది రోజుల క్రితం విడుదలైన ఈ సినిమా పోస్టర్‌తో మరిన్ని ఊహాగానాలు తెరపైకి వచ్చాయి. దీంతో సినిమాపై ఆసక్తి క్రమంగా పెరిగిపోతోంది.

ప్రభాస్ టీమ్‌కు షాకిచ్చిన నిర్మాత దిల్ రాజు

ప్రభాస్ నటిస్తున్న ఈ ప్రతిష్టాత్మక చిత్రానికి ‘జాన్' అనే టైటిల్ ఫిక్స్ చేయాలని అనుకున్నారు. ఈ నేపథ్యంలో దిల్ రాజు నిర్మాణంలో వచ్చిన 96 తెలుగు రీమేక్‌కు ‘జాను' అనే టైటిల్ పెట్టారు. ఇది ప్రభాస్ సినిమాకు అనుకున్న టైటిల్‌లానే ఉండడంతో చిత్ర యూనిట్‌కు షాక్ తగిలినట్లైంది. సమంత - శర్వానంద్ జంటగా నటించిన ఈ సినిమా శుక్రవారం ప్రేక్షకుల ముందుకు వచ్చింది.

సినిమా టైటిల్ మార్చేసిన యంగ్ రెబెల్ స్టార్

96 రీమేక్ మూవీ ‘జాను' టైటిల్ వల్ల తమ సినిమాకు ఏమైనా ఎఫెక్ట్ పడుతుంది అనుకున్నారో.. మరే కారణమో తెలియదు కానీ... ప్రభాస్ మూవీ టైటిల్ మార్చేశారని తాజాగా ఓ వార్త లీక్ అయింది. నిర్మాణ సంస్థల్లో ఒకటైన యూవీ క్రియేషన్స్ ఇప్పటికే ఫిల్మ్ చాంబర్‌లో కొత్త టైటిల్‌ను రిజిస్టర్ కూడా చేయించిందని ప్రచారం జరుగుతోంది.

ప్రభాస్ డేరింగ్ స్టెప్.. కొత్త పేరు అదిరిపోయిందిగా.!

తాజాగా అందుతున్న సమాచారం ప్రకారం.. ప్రభాస్ కొత్త చిత్రానికి ‘ఓ డియర్' అనే టైటిల్ పెడుతున్నారట. రొమాంటిక్ ప్రేమకథగా తెరకెక్కుతున్న సినిమా కావడంతో ప్రభాస్ అండ్ టీమ్ ఈ టైటిల్‌ను ఫైనల్ చేయడంతో పాటు రిజిస్టర్ చేయించిందని తెలుస్తోంది. దీంతో రెబెల్ స్టార్ ఫ్యాన్స్ ఈ టైటిల్‌పై సోషల్ మీడియాలో కామెంట్లు గుప్పిస్తున్నారు.