వేణుమాధవ్ ఇండియాలోనే టాప్.. ఆయన తొలి జీతం, మంచితనం తెలిస్తే షాకే

తొలి జీతం ఎంతో తెలుసా?

వేణు మాధవ్ గురించి చెప్పాలంటే, ఎలాంటి బ్యాక్‌గ్రౌండ్ లేకుండా అట్టడుగు స్థాయి నుంచి స్టార్ కమెడియన్‌గా ఎదిగాడు. తొలి నాళ్లలో మొదటి జీతం 600 రూపాయాలు తీసుకొన్నానని ఓ ఇంటర్వ్యూలో వేణు మాధవ్ చెప్పారు. అలాంటి స్థాయి నుంచి కోట్లకు పడగలెత్తినా తన మూలాలను, ఇతర బాధలను మరిచిపోలేదు. అందుకు సాక్ష్యంగా నిలిచిన ఓ సంఘటనను నటుడు ఉత్తేజ్ పంచుకొన్నారు.

వైరల్‌గా ఉత్తేజ్ వీడియో

ఇక సోషల్ మీడియాలో నటుడు ఉత్తేజ్ వీడియో వైరల్‌గా మారింది. వేణు మాధవ్‌ మంచి తనానికి మారుపేరు అంటూ ఆయన చెప్పిన వీడియో నెటిజన్లు విపరీతంగా ఆకర్షిస్తున్నది. ఈ షూటింగ్ సందర్భంగా ఓ నటుడు వచ్చి వేణు మాధవ్‌ను సహాయం అడిగాడు. ఆర్థిక సమస్యలతో బాధపడుతున్నానని, డబ్బు సహాయం చేయమని చెబితే.. వేణుమాధవ్ ఆయనకు భోజనం పెట్టారు. ఇక ఎలాంటి సహాయం చేస్తారనే ఎదురు చేస్తుంటూ కార్ డోర్ తెరిచి చూపిస్తే షాక్ తిన్నాను.

డబ్బు ఇస్తే తాగి తగిలేస్తాడని

ఆర్థికంగా ఇబ్బంది పడుతున్న నటుడికి డబ్బు ఇస్తే రెండు రోజుల్లో తాగి తగిలేస్తాడు. కానీ భార్య, పిల్లల పరిస్థితి ఏమౌవుతుందో ఆలోచించావా? అందుకే రెండు క్వింటాల బియ్యం, రెండు నెలలకు సరిపడే పప్పు, ఉప్పులు, ఇతర సామాగ్రి అంతా కొనుగోలు చేసి తోటి నటుడికి సహాయం చేశాడు అని ఉత్తేజ్ చెప్పారు. అలాంటి మనిషి తిరిగిరాని లోకాలకు వెళ్లిపోవడం బాధగా ఉందంటూ పలువురు సంతాపం వ్యక్తం చేస్తున్నారు.

ఇండియా వైడ్ ట్రెండింగ్

వేణు మాధవ్ మృతిపై సోషల్ మీడియాలో విపరీతమైన స్పందన వ్యక్తమవుతున్నది. ట్విట్టర్‌లో ఇండియాలోనే రెండో స్థానంలో ట్రెండ్ అవుతున్నది. ట్విట్టర్‌లో లక్ష 80 వేల మందికి పైగా ట్వీట్ చేయడంతో ఆయన మృతివార్త ట్రెండిం గ్‌గా మారింది.