ఎదుటి వారిలో తప్పులు వెతకడం కాదు, నీ తప్పేంటో తెలుసుకో: సూర్య సెన్సేషనల్ స్పీచ్

నువ్వు చేసిన తప్పేంటో తెలుసుకో

నా అభిమానులందరికీ నేను ఎలాంటి అడ్వైజ్ ఇవ్వాలనుకోవడం లేదు. కానీ ఓ విషయం చెప్పాలనుకుంటున్నాను. మనం ఎప్పుడూ ఇతరులు ఏం చేస్తున్నారు? వారిలో తప్పు ఏమిటి? అని వెతుకుతూ, విమర్శిస్తూ సోషల్ మీడియాలో చాలా సమయం గడుపుతున్నాం. కానీ వాటి కంటే ముందు మనల్ని మనం పరిశీలించుకోవాలి, మనం ఏం తప్పు చేస్తున్నమో గుర్తించాలి, ఆత్మ విమర్శ చేసుకోవాలి, అప్పుడే మనం ఉన్నత స్థానాలకు ఎదిగే అవకాశం ఉంటుందని సూర్య తెలిపారు.

దేశం నీకు ఏం చేసిందో కాదు.. దేశానికి నువ్వు ఏం చేశావ్?

ప్రభుత్వం మనకు ఏం చేస్తోంది? అనే దానికంటే ఈ దేశం కోసం, రాష్ట్రం కోసం, ప్రజల కోసం మనం ఏం చేస్తున్నామనే అంశాన్ని చర్చిస్తూ ‘ఎన్టీకె' చిత్రం తెరకెక్కుతోంది. వ్యక్తిగా మనం దేశానికి ఏం చేస్తున్నాం, వ్యవస్థలో మార్పుకు ఏ మేరకు తోడ్పడగలం అనేది గుర్తించాలి. ఆ తర్వాతే గవర్నమెంటును వేలెత్తి చూపాలి. ఇలా చేయడం ద్వారా ‘గ్రాస్ నేషనల్ హ్యాపీనెస్' క్రియేట్ అవుతుంది. భూటాన్‌లో ఇది అమలవుతోంది. మన దేశంలో కూడా ప్రతి ఒక్కరూ ఈ దిశగా ఆలోచించాలి అనేది నా కోరిక అని సూర్య చెప్పుకొచ్చారు.

జగన్ గారిని అన్న అనిపిలుస్తాను

ఇక్కడ రెండు తెలుగు రాష్ట్రాలు ఉన్నాయి. ఇద్దరు ముఖ్యమంత్రులు అంటే చాలా గౌరవం. కేసీఆర్ గారి పని తీరుబావుంటుంది. జగన్ గారిని అన్న అని పిలుస్తాను. రాబోయే కాలంలో రెండు రాష్ట్రాలు మరింత అభివృద్ధిని చూస్తాయని ఆశిస్తున్నాను. మరింత మంది యువకులు రాజకీయాల్లోకి రావాల్సిన అవసరం ఉంది. మన దేశంలో కేవలం 2.5% మంది ప్రజలకు మాత్రమే రాజకీయ పార్టీల మేనిఫెస్టో మీద అవగాహన ఉంది. ఇందులో మార్పు రావాల్సిన అవసరం ఉంది. ఈ అంశాలన్నీ NGK సినిమాలో చర్చించడం జరిగింది. ఎన్నికల తర్వాత ఎక్కడ చూసినా పొలిటికల్ ఫీవర్ ఉంది. ఇదే మా సినిమాకు విడుదలకు సరైన సమయం అని భావిస్తున్నట్లు సూర్య తెలిపారు.

NGK

సూర్య సరసన సాయిపల్లవి, రకుల్‌ ప్రీత్‌ నటిస్తున్న ఈ చిత్రానికి సంగీతం : యువన్‌ శంకర్‌రాజా, సినిమాటోగ్రఫీ: శివకుమార్‌ విజయన్‌, ఎడిటింగ్‌: ప్రవీణ్‌ కె.ఎల్‌., ఆర్ట్‌: ఆర్‌.కె.విజయ్‌ మురుగన్‌, నిర్మాతలు: ఎస్‌.ఆర్‌. ప్రకాష్‌బాబు, ఎస్‌.ఆర్‌.ప్రభు, దర్శకత్వం: శ్రీరాఘవ.