మీ టూ: కోరిక తీర్చమన్న అతడికి అదితి రావు హైదరి షాక్!

బాలీవుడ్లో స్ట్రగల్ అవుతున్న రోజుల్లో

బాలీవుడ్లో సినిమా అవకాశాల కోసం ప్రయత్నిస్తూ స్ట్రగుల్ అవుతున్న రోజుల్లో తాను కూడా లైంగిక వేధింపులు ఎదుర్కొన్నానని, కాస్టింగ్ కౌచ్ లాంటి సంఘటనలు ఫేస్ చేశానని అదితి రావు హైదరి తెలిపారు.

వాటిని ఎలా డీల్ చేయాలో నాకు తెలుసు

స్టార్ కిడ్స్ కంటే బయటి నుండి వచ్చిన వారికి కాస్టింగ్ కౌచ్ లాంటి సంఘటనలు ఎక్కువ ఎదురవుతాయా? అనే ప్రశ్నకు అదితి రావు స్పందిస్తూ... ‘నేను నా గురించి, నా అనుభవాల గురించి మాత్రమే మాట్లాడతాను. కొత్త వారు ఇక్కడ ఎదగడం చాలా కష్టం... అలా అని అసాధ్యం అయితే కాదు. అందుకు నేనే ఒక ఉదాహరణ. ఇక్కడ ఎదురయ్యే పరిస్థితులను ఎలా డీల్ చేశామన్నదానిపైనే మన కెరీర్ ఆధారపడి ఉంటుందని అదితి రావు తెలిపారు.

కోరిక తీర్చమన్నాడు, మూడు వదిలేశా

బాలీవుడ్ ఇండస్ట్రీలో స్ట్రగుల్ అవుతున్న రోజుల్లో ఓసారి బ్యాడ్ ఎక్స్‌పీరియన్స్ ఎదురైంది. కోరిక తీరిస్తే మూడు సినిమాల్లో అవకాశం ఇస్తామన్నారు. వెంటనే వద్దనుకుని వచ్చేశాను. నేను ఇండస్ట్రీకి కొత్తే కానీ, అలాంటి వాటికి కాంప్రమైజ్ అయ్యేలా నేను పెరగలేదు. దేనికీ లొంగకుండా సెల్ఫ్ రెస్పెక్ట్ కాపాడుకుంటూ ముందుకు వెళ్లాను అని అదితి రావు తెలిపారు.

మహిళలకు సినిమా ఇండస్ట్రీ సేప్ కాదు అనేది నిజం కాదు

సినిమా ఇండస్ట్రీ మహిళలకు సేఫ్ కాదు అనే అపోహ తొలగిపోవాలి. సినిమా ఇండస్ట్రీ అయినా, మరే ఇండస్ట్రీ అయినా డిఫరెంట్ మైండ్‌సెట్ ఉన్న మనుషులు ఉంటారు. అందులో మంచి వారు ఉంటారు, చెడ్డ వారు ఉంటారు అని అదితి రావు హైదరి తెలిపారు.

అదితి రావు హైదరి

అదితి రావు హైదరి సినిమాల విషయానికొస్తే.. ఈ ఏడాది ఆమె నాలుగు చిత్రాల్లో నటించారు. హిందీలో పద్మావత్, దాస్ దేవ్‌తో పాటు తెలుగులో ‘సమ్మోహనం' చిత్రం ద్వారా తెరంగ్రేటం చేశారు. తమిళంలో ఆమె నటించిన మరో చిత్రం తెలుగులో ‘నవాబ్' పేరుతో విడుదలైంది.