చిన్న హ్యాండ్ బ్యాగ్ కోసం కూడా లక్షల్లో ఖర్చు చేస్తున్న మహేష్ హీరోయిన్.. ఆమె రేంజ్ అలా ఉంది మరి

మహేష్ 1 సినిమాలో

కృతి సనోన్ మొదట మహేష్ బాబు సినిమాతో వెండితెరపై క్రేజ్ అందుకున్న విషయం తెలిసిందే. సుకుమార్ దర్శకత్వంలో చేసిన 1 నేనొక్కడినే సినిమాలో హీరోయిన్ గా నటించిన కృతి మొత్తానికి హీరోయిన్ గా మంచి మార్కులు కొట్టేసింది. అయితే ఆ సినిమా డిజాస్టర్ కావడంతో ఆ బ్యూటీ ఫ్యూచర్ కొంత ఆందోళనను కలిగించింది.

ప్లాప్ అయినా కూడా

నమ్మిన సినిమా ప్లాప్ అవ్వడంతో కొన్నాళ్లపాటు కృతి నిరాశతోనే ఉండేది అనంతరం మెల్లగా హిందీ సినిమాలపై ఫోకస్ పెట్టి తన స్థాయిని కూడా పెంచుకుంది. ఎలాంటి సినిమాలు చేసినా కూడా ఈ బ్యూటీకి ఎదో ఒక రకంగా గుర్తింపు తీసుకొచ్చేవి. ప్లాప్ అయినా కూడా అమ్మడి గ్లామర్ కు లేదా నటనకు క్రేజ్ వచ్చేది.

రెమ్యునరేషన్ ఎంతంటే

బైరెళ్లి బర్ఫీ, లుకా చుప్పి, హౌజ్ ఫుల్ 4, వంటి సినిమాలు కృతి కెరీర్ కు చాలా హెల్ప్ అయ్యాయి. జయాపజయాలతో సంబంధం లేకుండా సినిమాలు చేసుకుంటూ వెళ్లిన కృతి రెమ్యునరేషన్ ను ఈజీగా మూడు కోట్లను దాటించేసింది. అలాగే రెమ్యునరేషన్ పెంచారు కదా అని వచ్చిన ప్రతి ఆఫర్ కు ఒప్పుకోలేదు. కథలో తన పాత్రకు ప్రాధాన్యత ఉందని తెలిస్తేనే ఒప్పుకుంటోంది.

చిన్న బ్యాగ్ కోసం 1.5లక్షలు

ఇక ప్రస్తుతం కృతి సనోన్ లగ్జరీ లైఫ్ ను అనుభవిస్తోంది. ఇటీవల ముంబైలో షాపింగ్ చేస్తూ కనిపించిన ఈ బ్యూటీని బాలీవుడ్ కెమెరాలు ఫోకస్ చేయగా అమ్మడు ఖరీదైన బ్యాగుతో దర్శనమిచ్చింది. దాదాపు రూ1.5 లక్షల విలువైన రివ్ గౌచే బ్యాగ్ ను చేతిలో పట్టుకొని ఉండడంతో ఆ ఫొటోలు ఒక్కసారిగా సోషల్ మీడియాలో వైరల్ గా మారాయి.

ప్రభాస్ సినిమాలో సీతగా..

ఇక ప్రస్తుతం ఈ బ్యూటీ ప్రభాస్ ఆదిపురుష్ సినిమాలో సీత పాత్రలో నటిస్తున్న విషయం తెలిసిందే. రామాయణం బ్యాక్ డ్రాప్ లో తెరకెక్కుతున్న ఆ సినిమాలో ప్రభాస్ రాముడిగా నటిస్తుండగా సైఫ్ అలీ ఖాన్ రావణాసురుడిగా కనిపించబోతున్నాడు. ఇక సినిమాను దర్శకుడు ఓం రావత్ పూర్తిగా 3D ఫార్మాట్ తెరకెక్కిస్తున్న విషయం తెలిసిందే.