Nayanthara: తొలిసారిగా అక్కడ రిలీజవుతున్న నయనతార చిత్రం.. ఎప్పుడంటే?

నచ్చిన కథ దొరికితే..

నయనతార సినీ ఇండస్ట్రీకి వచ్చి దాదాపుగా 17 ఏళ్లు కావోస్తుంది. దక్షిణ చిత్రపరిశ్రమలో తనకంటూ ప్రత్యేకమైన గుర్తింపు పొందింది. తెలుగు, మలయాళ, తమిళ భాషల్లో చిత్రాలు చేసి సౌత్​ ఇండియా లేడి సూపర్​ స్టార్​గా స్టార్​డమ్​ సంపాందించుకుంది. సౌత్ లేడీ సూపర్ స్టార్ గా కొనసాగుతోన్న హీరోయిన్ నయనతార తన భర్త విఘ్నేష్ శివన్ తో కలిసి సినిమాలు నిర్మిస్తోంది. నచ్చిన కథ దొరికితే వాటిని వెండితెరపై ఆవిష్కరించేందుకు సిద్ధమయ్యారు ఈ భార్యాభర్తలు.

బాలీవుడ్ నటుడి కీలక పాత్ర..

రౌడీ పిక్చర్స్ బ్యానర్ పై సినిమాలను నిర్మిస్తున్న నయన తార పెళ్లి తర్వాత పూర్తిగా లేడీ ఒరియెంటెడ్ చిత్రాలపైనే ఫోకస్ పెడుతోంది. ఈ క్రమంలోనే తాజాగా కనెక్ట్ సినిమాతో ప్రేక్షకులు ముందుకు రానుంది నయన్.

మాయ, గేమ్ ఓవర్ సినిమాల దర్శకుడు అశ్విన్ శరవణన్ డైరెక్ట్ చేసిన ఈ మూవీ డిసెంబర్ 22న ప్రేక్షకుల ముందుకు రానుంది. ఈ చిత్రంలో నయనతారతోపాటు వాన సినిమా హీరో వినయ్ రాయ్, సత్యరాజ్ తో పాటు బాలీవుడ్ ప్రముఖ నటుడు అనుపమ్ ఖేర్ కీలక పాత్రలు పోషించారు.

ఇంటర్వెల్ లేకుండా..

ఇటీవల కార్తికేయ 2లో కనిపించిన అనుపమ్ ఖేర్ సుమారు 15 ఏళ్ల తర్వాత తమిళ చిత్రంలో నటించారు. ఈ కనెక్ట్ సినిమాను తెలుగులో యూవీ క్రియేషన్స్ విడుదల చేయనుంది. తమిళంలో ఇప్పటికే కనెక్ట్ ప్రీమియర్ షో పడగా మంచి టాక్ వస్తోంది. 99 నిమిషాల నిడివి ఉన్న ఈ హారర్ మూవీని ఇంటర్వెల్ లేకుండా ఉండనుందని ఇటీవల ప్రకటించారు. ఇదిలా ఉంటే ఈ మూవీ ట్రైలర్ కు విశేషమైన స్పందన లభిస్తోంది.

మొట్టమొదటిసారిగా హిందీలో..

లేడీ సూపర్ స్టార్ నయనతారకు దేశవ్యాప్తంగా భారీగా అభిమానులు ఉన్నారు. నార్త్ లో కూడా నయన్ కు ఫ్యాన్స్ ఉండటంతో ఆమె క్రేజ్ ను దృష్టిలో ఉంచుకుని కనెక్ట్ సినిమాను హిందీలో కూడా విడుదల చేసేందుకు మేకర్స్ ప్లాన్ చేశారు. మొట్టమొదటిసారిగా హిందీలో విడుదల అవుతున్న నయనతార సినిమా ఇది. జవాన్ కంటే ముందుగానే బాలీవుడ్ నటుడు అనుపమ్ ఖేర్ తో కలిసి నటించిన ఈ సినిమా హిందీలో రిలీజ్ కానుంది. దీంతో నయన్ నార్త్ ఫ్యాన్స్ కు మంచి ట్రీట్ అన్నమాట.

ప్రతి ఒక్కరూ అనుభూతి చెందాలని..

"నయనతార గొప్ప నటి. ఆమె సౌత్ ఇండస్ట్రీలో తనదైన ముద్ర వేసుకుంది. అయితే నయన్ తన నార్త్ ఇండియన్ అభిమానుల కోసం కూడా సినిమాలు అందించే సమయం ఆసన్నమైంది. నయనతారకు ఇండియావ్యాప్తంగా భారీగా అభిమానులు ఉన్నారు. అది నేను పర్సనల్ గా కూడా చూశాను. మా ఇద్దరి కలయికలో ఇదివరకు వచ్చిన మాయ చిత్రం అన్ని వర్గాల ప్రజల నుంచి అద్భుతమైన రెస్పాన్స్ అందుకుంది.

కాబట్టి, ఇప్పుడు ఈ కనెక్ట్ చిత్రాన్ని ప్రతి ఒక్కరూ అనుభూతి చెందాలనే ఉద్దేశంతో హిందీలో కూడా విడుదల చేయాలని అనుకున్నాం" అని డైరెక్టర్ అశ్విన్ శరవణన్ తెలిపారు. ఈ సినిమాను హిందీలో డిసెంబర్ 30 విడుదల చేయనున్నారు.