భర్తతో నిహారిక కొణిదెల రొమాంటిక్‌గా.. స్పెషల్ డే రోజున ఎమోషనల్ పోస్టు..పిక్స్ వైరల్!

ఇన్స్‌టాగ్రామ్‌లో ఎమోషనల్‌గా

నిహారిక కొణిదెల భర్త చైతన్య జేవీ జూలై 26 తేదీన తన బర్త్ డేను కుటుంబ సభ్యులు, స్నేహితుల మధ్య జరుపుకొన్నారు. చైతూ బర్త్ డేను నిహారిక ప్రత్యేకంగా జరుపుకొన్నారు. ఈ సందర్భంగా సుదీర్ఘమైన మెసేజ్‌ను తన ఇన్స్‌టాగ్రామ్ అకౌంట్‌లో పోస్టు చేశారు.

నా హృదయాన్ని ఉత్తేజ పరుస్తూ

నా ప్రియమైన భార్తకు హ్యాపీ బర్త్ డే. నీవు మూవీస్ ఎంపిక చేసుకొనే విధానం. అలాగే ఇంటిలో వంట ప్రయోగాలు చేయడం, ప్రేమతో కాఫీని కలపడం నా మైండ్‌, నా హృదయాన్ని ఉత్తేజపరుస్తాయి. అలాగే అర్ధరాత్రి స్నాక్ తినడం, నీవు ఏర్పాటు చేసే థీమ్ పార్టీలు నాకు ఎంతో ఇష్టం. అలాగే చిలిపిగా నీవు ఇచ్చే ఎక్స్‌ప్రెషన్స్, ప్రశాంతంగా ఉండే తీరు నన్ను ఎంతో ఆకట్టుకొంటుంది. అలాగే నీ సహనం, పరిస్థితుల పట్ల నీ అవగాహన చూస్తే.. నా భార్తకు ఇన్ని మంచి క్వాలిటీ ఉన్నాయే అని ఆశ్చర్య పోతుంటాను అని తన మెసేజ్‌లో నిహారిక తెలిపారు.

ఆకాశమంత ప్రేమను పంచుతా

నా జీవితానికి సరిపోయేంతగా అనుభూతులను పంచుతున్నావు. నీ మనసు కంటే గొప్పగా ఈ లోకంలో ఏమీ లేదు. నాపై అంచంచలమైన ప్రేమను కురిపిస్తున్నందుకు జీవితాంతం రుణపడి ఉంటాను. నా చెచూకు ఆకాశమంత ప్రేమ నీ కోసం పంచుతాను అని ఇన్స్‌టాగ్రామ్ అకౌంట్‌లో పేర్కొన్నారు.

నిహారికకు చైతన్య లవ్లీ మెసేజ్

ఇన్స్‌టాగ్రామ్‌లో నిహారిక చేసిన పోస్టుపై చైతన్య స్పందించారు. థ్యాంక్స్ ఫర్ లవ్.. నా బర్త్ డేను మరింత స్పెషల్‌గా, మరిచిపోలేని విధంగా చేసినందుకు చాలా హ్యాపీగా ఉంది అంటూ చైతన్య ఓ పోస్టు పెట్టారు. అలా వారిద్దరూ తమ ప్రేమను, అనురాగాన్ని పంచుకొంటూ ఇన్స్‌టాగ్రామ్‌లో సందడి చేశారు. వీరిద్దరి పోస్టులకు అభిమానులు చాలా సంతోషాన్ని వ్యక్తం చేస్తూ చైతన్యకు బర్త్ డే విషెస్ తెలియజేశారు.

నిహారిక ప్రేమ, పెళ్లి

నిహారిక కొణిదెల వ్యక్తిగత జీవితం విషయానికి వస్తే... నటిగా, హోస్ట్‌గా కొనసాగుతున్న సమయంలో చైతన్య జొన్నలగడ్డతో నిహారిక కొణిదెల వివాహం 2020 డిసెంబర్ 9వ తేదీన జరిగింది. కరోనావైరస్ పరిస్థితుల కారణంగా కేవలం కుటుంబ వేడుకగా జరిగింది. అలా ఒక్కడైన నిహారిక దంపతులు జీవితాన్ని పరిపూర్ణంగా ఆస్వాదిస్తున్నారనే ఇన్స్‌టాగ్రామ్ పోస్టులు చూస్తే తెలుస్తుంది.