నువ్వు వర్జినేనా: నివేదా థామస్‌కు ఊహించని ప్రశ్న.. అమ్మడి సమాధానం ఇదే.!

రజనీకాంత్ నుంచి పిలుపు

నివేదా థామస్ తెలుగు, తమిళ, మలయాళ భాషల్లో చక్కని గుర్తింపు తెచ్చుకుంది. అందుకే మంచి మంచి అవకాశాలను చేజిక్కించుకుంటోంది. ఈ క్రమంలోనే సూపర్ స్టార్ రజనీకాంత్ ‘దర్బార్' సినిమాలో అవకాశం దక్కించుకుంది. ఇందులో ఆమె రజనీకాంత్ కూతురి పాత్రను పోషిస్తోంది. నివేదా పాత్ర సినిమాకు ఏంతో ముఖ్యమని తెలుస్తోంది. అందుకే ఈమెను తీసుకున్నారన్న టాక్ ఉంది.

నివేదాకు డిమాండ్ ఎక్కువే

దక్షిణాది భాషల్లో ఈమె నటన గురించి చాలా మందికి తెలుసు. కాబట్టే ఎన్నో అవకాశాలు వరస పెట్టి మరీ వస్తున్నాయి. ప్రస్తుతం నాని నటిస్తున్న ‘వీ' అనే సినిమాలోనూ నివేదా నటిస్తోంది. ఈ సినిమాను ఇంద్రగంటి తెరకెక్కిస్తున్నారు. ప్రముఖ నిర్మాత దిల్ రాజు బ్యానర్‌లో వస్తున్న ఈ సినిమాలో సుధీర్ బాబు కీలక పాత్రలో నటిస్తున్నాడు. అలాగే అతిథి రావు కూడా నటిస్తోంది.

సోషల్ మీడియాలో యమ యాక్టివ్

నివేదా థామస్ తన ఫ్యాన్స్ కోసం నిరంతరం సోషల్ మీడియాలో యాక్టివ్‌గా ఉంటోంది. ఈ క్రమంలోనే తన ఫొటోలు, వీడియోలు షేర్ చేస్తోంది. అలాగే, తన సినీ కెరీర్‌కు సంబంధించిన అప్‌డేట్లతో పాటు వ్యక్తిగత జీవితానికి సంబంధించిన విషయాలను ఫ్యాన్స్‌తో పంచుకుంటోంది. దీంతో ఆమెను ఫాలో అయ్యే వారి సంఖ్య గణనీయంగా పెరిగిపోతోంది.

అదే కొంప ముంచింది

సోషల్ మీడియా అనేది ఎంత ఉపయోగకరమో.. అంతే ప్రమాదకరమైనది కూడా. ముఖ్యంగా సెలెబ్రిటీల విషయంలో ఏదో ఒక రాద్దాంతం జరుగుతూనే ఉంటోంది. తాజాగా నివేదా ఇన్‌స్టాగ్రామ్‌లో లైవ్ చాట్ చేసింది. ఈ సమయంలో ఓ నెటిజన్ ఆమెను ‘నువ్వు వర్జినేనా' అని ప్రశ్న అడిగాడు. అంతేకాదు, నీకు బాయ్ ఫ్రెండ్ ఉన్నాడా అని కూడా ప్రశ్నించాడు.

అదిరిపోయే సమాధానం

తనను ఇబ్బంది పెట్టే ప్రశ్నలు అడిగిన సదరు నెటిజన్‌కు నివేదా అదిరిపోయే సమాధానం ఇచ్చింది. ‘నేను ఇలాంటి చెత్త ప్రశ్నలను పట్టించుకోను. ఒకసారి ఇలా అడిగే ముందు మనం మనుషి లాగే ప్రవర్తిస్తున్నామా అని మనసులో అనుకోవాలి. అయినా ఎదుటి వారితో మాట్లాడేటప్పుడు కొంత మర్యాదను కూడా చూపించాలి' అని నెటిజన్‌పై ఫైర్ అయింది.