స్టార్ హీరోలను భయపెట్టిన లేడి విలన్స్.. వెండితెరపై విష నాగులు!

రమ్య కృష్ణ..

రమ్యకృష్ణ నటన గురించి చెప్పడానికి నరసింహా(పడయప్ప) సినిమా చాలు. ఆ ఒక్క సినిమాతో ఈ సీనియర్ యాక్టర్ క్రేజ్ ఒక్కసారిగా జాతీయ స్తాయికి పెరిగిపోయింది. రజినీకాంత్ లాంటి స్టార్ హీరో పాత్ర హైలెట్ చేయడానికి ఆమె చేసిన నీలాంబరి పాత్ర ఒక ట్రెండ్ సెట్ అనే చెప్పాలి. ఆ పాత్రలో మరొకరిని ఉహించుకోవడం అసాధ్యం. ఆ తరువాత చాలా సినిమాల్లో రమ్యకృష్ణ నెగిటివ్ రోల్స్ తో మెప్పించింది.

రాశి..

రాశి అంటే ఒక హోమ్లీ అమ్మాయి అని అందరికి తెలుసు. చూడగానే అందమైన నవ్వుతో ఆకట్టుకునే రాశి నిజం సినిమాలో కనిపించిన తీరు అందరిని షాక్ కి గురి చేసింది. మల్లి పాత్రలో ఆమె చూపించిన హావభావాలకు మంచి గుర్తింపు దక్కింది. ముఖ్యంగా ఆమె చూపుల్లో ఎదో విషం ఉన్నట్లు అనిపిస్తుంది. విలన్ గోపిచంద్ అయినా కూడా నిజం సినిమా అంటే ముందుగా రాశి పేరు గుర్తుకు వస్తుంది.

మంచు లక్ష్మీ..

నటిగా పెద్దగా సక్సెస్ కాకపోయినా కూడా మంచు లక్ష్మీ కెరీర్ లో జీవితాంతం గుర్తుండిపోయే పాత్ర ఐరేంద్రి. ప్రముఖ హాలీవుడ్ నిర్మాణ సంస్థ డిస్ని వరల్డ్ నిర్మించిన అనగనగా ఒక ధీరుడు సినిమాలో మంచు లక్ష్మీ లేడి విలన్ గా సినిమాకు కొత్త రూపాన్ని అంధించింది. ఆ సినిమా అనుకున్నంతగా సక్సెస్ కాకపోయినప్పటికి ఐరేంద్రి పాత్ర మాత్రం మంచు లక్ష్మీ కెరీర్ కి మంచి గుర్తింపు తెచ్చింది.

Recommended Video

Vijay Devarakonda And Rashi Khanna Longest Kiss Ever In Tollywood || Filmibeat Telugu

శ్రియ రెడ్డి

విశాల్ నటించిన పొగరు సినిమాలో శ్రియ చేసిన ఈశ్వరి పాత్ర అప్పట్లో ఒక సంచలనం సృష్టించింది. సినిమాలో విలన్స్ ఎంత మంది ఉన్నా కూడా ఆమె చేసిన రచ్చ అంతా ఇంతా కాదు. నెగిటివ్ పాత్రతో పిచ్చెక్కించి.. పొగరు అనే పదానికి మరో అర్ధం చెప్పింది. ఆ సినిమా తరువాత ఎన్ని సినిమాలు చేసినా కూడా ఈశ్వరిగానే జనాలు ఆమె గుర్తించేవారు.