Family Man 2: అది చూసి ఏడుస్తూ క్యారావ్యాన్ లోకి సమంత.. షూట్ సీక్రెట్స్ బయటపెట్టిన రాజ్,డీకేలు!

అందరిలో ఆసక్తి

కేవలం తెలుగు ప్రేక్షకులే కాక ఈ సిరీస్ కోసం అన్ని భాషల ప్రేక్షకులు అత్యంత ఆసక్తిగా ఎదురు చూస్తున్నారు.. ఈ ఫ్యామిలీ మాన్ మొదటి సీజన్ సూపర్ హిట్ కావడంతో రెండో సీజన్ మీద కూడా జనాల్లో ఆసక్తి నెలకొని ఉంది. ఇక ఈ రెండో సీజన్లో ఎక్కువగా సమంతను ఫోకస్ చేసినట్లు కనిపించింది. సమంత కూడా మునుపెన్నడూ లేని విధంగా నటించి ప్రేక్షకులలో మరింత ఆసక్తి రేపింది.

ఉగ్రవాది పాత్రలో

ఈ సిరీస్ లో సమంత రాజి అనే ఒక ఎల్.టి.టి.ఈ ఉగ్రవాది పాత్రలో కనిపిస్తోంది. ఒక మహిళ ఉగ్రవాదం వైపు మొగ్గితే వాళ్ళు ఎంత రఫ్ గా ఎంత మొరటుదేలి కనిపిస్తారో సమంత కూడా అలాగే కనిపించింది. మొత్తం మీద చూస్తుంటే రెండో సీజన్ లో సమంత పాత్ర ఎక్కువగా హైలెట్ అయ్యే అవకాశాలు కనిపిస్తున్నాయి.

డిగ్లామర్ లుక్ లో మొరటుగా

ఇక తాజాగా సమంత షూటింగ్ గురించి కొన్ని ఆసక్తికర విషయాలు సిరీస్ దర్శకులు ఒక ఇంటర్వ్యూలో పంచుకున్నారు. ఇప్పటికే సమంత డిగ్లామర్ లుక్ లో మొరటుగా కనిపిస్తుండడంతో కొంతమంది అభిమానులు ఇప్పటికే బాధపడుతున్నారు. అయితే వాళ్ళే అంత బాధ పడితే ఈ సిరీస్ షూట్ కోసం ఆమె మరింత కష్ట పడినట్లు తాజాగా వెల్లడైంది.

ఎన్నో నిద్ర లేని రాత్రులు

అలా నల్లగా డి గ్రామర్ బుక్ లో కనిపించడంతో పాటు మొరటుగా కనిపించడం కోసం ఎన్నో నిద్రలేని రాత్రులు గడిపిందట. అంతేకాక ఒక సీక్వెన్స్ లో తన నటన చూసి ఆమె ఏడ్చేసిందని సమంత గురించి తాజా ఇంటర్వ్యూలో వెల్లడించించారు ఈ సిరీస్ మేకర్స్ రాజ్, డీకేలు. ఒక ఇంటర్వ్యూలో మాట్లాడిన రాజ్, డీకేలు ఈ విషయాన్ని చెప్పుకొచ్చారు.

క్యారవాన్ లోకి వెళ్లి మరీ ఏడ్చింది

ఒక రోజు సీక్వెన్స్ పూర్తయిన వెంటనే వారు సమంతను ఒకసారి వచ్చి చెక్ చేసుకోమని కోరారట. అలా చెక్ చేసుకోవడానికి వెళ్లిన సమంత అదంతా చూసి వెంటనే ఏడ్చేసిందట. ఏడుపు ఆగకపోవడంతో పరుగెత్తుకు వెళ్ళి క్యారవాన్ లో కాసేపు తనివితీరా ఏడ్చి అంతా నార్మల్ అయ్యాక మళ్లీ బయటకు వచ్చిందట.

Recommended Video

OTT vs Theatres : ప్రేక్షకుల మూడ్ బట్టి సినిమాలు ఆడుతున్నాయి | Tollywood || Filmibeat Telugu

రోల్ కోసం చాలా వెతికాం

ఇక ఈ రోల్ కోసం హీరోయిన్ కోసం చాలా వెతికామని చివరికి సూపర్ డీలక్స్ సినిమాలో సమంత నటన నచ్చి ఆమెను నటించమని కోరామని పేర్కొన్నారు. అలా సమంత ఈ సిరీస్ లోకి అడుగు పెట్టిందని చెప్పుకొచ్చారు. ఇక ఈ పాత్రను ఆమె కోసమే డిజైన్ చేసినట్లు అనిపిస్తుంది అని చెప్పుకొచ్చారు.. ఇక ఈ సిరీస్ జూన్ 4వ తేదీన అమెజాన్ ప్రైమ్ వీడియోలో అందుబాటులోకి రానుంది.