Don't Miss!
- News కర్ణాటకలో నేడు పోలింగ్ జరిగే లోక్సభ నియోజకవర్గాలు ఇవే
- Sports SRH vs RCB: హమ్మయ్యా.. ప్రశాంతంగా పడుకుంటాం! ఆ గ్రౌండ్తోనే మాకు ఇబ్బంది: ఫాఫ్ డుప్లెసిస్
- Lifestyle ఈ 4 రాశుల వారు ఎల్లప్పుడూ ఇతరులకు రహస్య శ్రేయోభిలాషులు..
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
ఆ చిత్రం అబద్ధాల పుట్ట అంటూ వెబ్ సైట్ ఫైర్
లండన్: రహస్య పత్రాలను బట్టబయలు చేసి లోగడ అమెరికా సహా అనేక దేశాల గుండెల్లో రైళ్లు పరుగెత్తించిన 'వికీలీక్స్' వ్యవస్థాపకుడు జూలియన్ అసాంజ్, ఇప్పుడు తన వెబ్సైట్పై తీస్తున్న ఒక హాలీవుడ్ చిత్రాన్ని తీవ్రంగా ఆక్షేపించారు. ఈ సినిమా ఒక అబద్ధాల పుట్ట అని ఆరోపించారు. వెబ్సైట్తోపాటు సిబ్బంది వ్యక్తిత్వంపై పెద్దయెత్తున దుష్ప్రచారానికే దీనిని తీస్తున్నారని మండిపడ్డారు. 'ద ఫిప్త్ ఎస్టేట్' నవంబరులో విడుదల కానుందని, ఈ చిత్రం కథన ప్రతి(స్క్రిప్టు) నకలు తన వద్ద ఉందని తెలిపారు.
బ్రిటన్లోని ఈక్వెడార్ రాయబార కార్యాలయంలో ఆశ్రయం పొందుతున్న అసాంజ్ తాజాగా అక్కడి నుంచి వీడియో అనుసంధానం సాయంతో ప్రతిష్ఠాత్మక ఆక్స్ఫర్డ్ విశ్వవిద్యాలయ విద్యార్థులనుద్దేశించి మాట్లాడారు. ఇరాన్ అణు బాంబు తయారీకి ప్రయత్నిస్తోందనే అర్థం వచ్చే దృశ్యాలు సినిమాలో చూపించి, ఆ దేశంపై యుద్ధం ఆలోచనలకు వూతమిస్తున్నారని ఆరోపించారు.
అసలు ఈ అంశం వెబ్సైట్కు ఏం సంబంధమని ఆయన ప్రశ్నించారు.అందులోంచి కొన్ని వివరాలను ఆయన చదివి వినిపించారు. తాము వికీలీక్స్పై సినిమా చిత్రీకరణ ప్రారంభించామని డ్రీమ్వర్క్స్ స్టూడియోస్ సంస్థ మంగళవారం ప్రకటించింది. ఇందులో అసాంజ్గా బ్రిటన్ నటుడు బెనెడిక్ట్ కుంబర్బాచ్ కనిపిస్తున్నారు. చిత్రానికి బిల్ కాండన్ దర్శకత్వం వహిస్తున్నారు.