'ఫాస్ట్‌ అండ్‌ ఫ్యూరియస్‌' హీరో పాల్‌ వాకర్‌ మృతి..వీడియో

ప్రీతి జింటా

''ఫాస్ట్‌ అండ్‌ ఫ్యూరియస్‌'లో నటించిన పాల్‌ వాకర్‌ ఇకలేరు. యాక్షన్‌ సన్నివేశాల్లో ఆయన చూపించే ధైర్యం ఎందరికో స్ఫూర్తినిస్తుంది''

సెలీనా జైట్లీ

''ఆయన సినిమా పేరుకు తగ్గట్టే ఫాస్ట్‌ అండ్‌ ఫ్యూరియస్‌గా దేవుడి దగ్గరకి వెళ్లిపోయారు. చిన్నవయసులోనే ఇలా అందరికీ దూరమవ్వడం విచారకరం''

స్నేహా ఉల్లాల్‌

''మరోసారి కారు ప్రమాదం నన్ను బాధలోకి నెట్టేసింది. నా సహ నటుడు (యశోసాగర్‌) కూడా ఇలాగే దూరమయ్యాడు''

సిద్ధార్థ్‌

''నలభయ్యేళ్ల వయసులోనే పాల్‌వాకర్‌ సినిమాకి దూరమయ్యారు. ఆయనతోపాటు ఆయన ధైర్యం, యాక్షన్‌ని కూడా కోల్పోయాం''

సమంత

తన ట్వీట్ లో సమంత ఈ హాలీవుడ్ నటుడుకి నివాళులు అర్పించింది. అంతేకాకుండా పాల్ వాకర్ ఆత్మకు శాంతి కలగాలని సోనాల్ చౌహాన్, అఫ్తాబ్ శివసాని, దియా మిర్జా, సోఫీ చౌదరి, బిజోయ్ నంబియార్ తదిరులు కోరుకున్నారు.

ఇంకా...

పాల్ వాకర్ మరణ వార్తను ఇప్పటికీ నమ్మలేకున్నా . ఈ వార్త నన్నెంతో కలిచివేసింది. జీవితం చాలా విచిత్రమైనది అని వరుణ్ ధావన్ ట్వీట్ చేసారు. ఆయన ఆత్మకు శాంతి కలిగాలని ప్రార్ధించాడు. తెలివైన,అందమైన నటుడుని కోల్పోయామని మిఖా సింగ్ అన్నారు.

హాలీవుడ్ లో ...

అకస్మికంగా చోటు చేసుకున్న ఈ పరిణామణానికి హాలీవుడ్‌ దిగ్భ్రాంతికి గురైయ్యింది. 'వార్సిటీ బ్లూస్‌','ద ఫాస్ట్‌ అండ్‌ ఫూరియాస్‌' చిత్రాల ద్వారా మంచి గుర్తింపు తెచ్చుకున్న వాకర్‌ అశేష అభిమానులను సొంతం చేసుకున్నాడు. గత పద్నాలుగు సంవత్సరాల నుంచి తమ స్టూడియో ప్రతినిధులతో పాకర్‌ ఎంతో నమ్మకశక్యంగా ఉండే వాడని యూనివర్శల్‌ స్టూడియో పేర్కొంది. ఇతడు నటించిన హవర్స్‌ సినిమా ఈ డిసెంబర్‌ నెల లో విడుదల కానుంది.

ఇలా జరిగింది...

వేగంగా వెళుతున్న కారు అదుపు తప్పడంతో కాలిఫ్లోర్నియాలోని శాంతా క్లారిటా లోఈ ప్రమాదం చోటు చేసుకుంది. ఫిలీప్పిన్స్‌ తుపాను బాధితుల సహాయార్థం నిధుల సేకరణకు శాంతా క్లారిటాలో ఓ కారు ప్రదర్శనను ఏర్పాటు చేశారు. ఈ కార్యక్రమానికి హాజరయ్యే క్రమంలో అతని స్నేహితు నితో కలిసి పోర్చ్‌ జీటీ కారులో వెళుతుండగా ఈ ప్రమాదం జరిగిందని వాకర్‌ ప్రతినిధి మీడియాకు తెలిపారు. పోలీసుల వివరాల ప్రకారం వాకర్‌ కారు వేగంగా వెళ్లడంతో అదుపుతప్పి ఒక చెట్టుని ఢికొన్నదన్నారు. ఆ తరువాత కారులో చెలరేగిన మంటల్లో పాకర్‌ తో పాటు, అతని స్నేహితుడు కూడా మృతి చెందారన్నారు. వన్ ఇండియా తెలుగు ఈ నటుడుకి నివాళులు అర్పిస్తోంది.