చరిత్ర హీనుడిగా మారిన ప్రముఖ నిర్మాత, ఆస్కార్ కమిటీ నుండి తొలగింపు!

అతడి వల్ల ఇండస్ట్రీకి చెడ్డపేరు రావడం వల్లనే

హర్వే వెయిన్‌స్టెయిన్‌పై గత కొన్ని రోజులుగా లైంగిక వేధింపుల ఆరోపణలు వినిపిస్తున్నాయి. అలాంటి వారి వల్ల ఇండస్ట్రీ మొత్తానికి చెడ్డపేరు వచ్చింది. అలాంటి వ్యక్తులు కమిటీలో కొనసాగడం మంచింది కాదు. ఇతడి తొలగింపు మిగతా వారికి ఓ గుణపాఠం కావాలి' అని అకాడమీ మోషన్ పిక్చర్ ఆర్ట్స్‌అండ్‌ సైన్సెస్‌ కమిటీ ఒక ప్రకటనలో పేర్కొంది.

హార్వే వెయిన్‌స్టెయిన్ వ్యతిరేకంగా ఉద్యమం

హర్వే వెయిన్‌స్టెయిన్‌ మీద లైంగిక వేధింపుల ఆరోపణలు తారాస్థాయికి చేరుకున్నాయి. ఏంజలీనా జోలీ, గైనెత్ పాల్ట్రోతో సహా పలువురు ప్రముఖ నటీమణులు అతడి సెక్స్ వేధింపుల గురించిబయట పెట్టారు. హార్వేకు వ్యతిరేకంగా సోషల్‌ మీడియాలో ఉద్యమం సాగుతోంది.

ఒక్కొక్కటిగా బయట పడుతున్న దురాగతాలు

హార్వే వెయిన్‌స్టెయిన్ దురాగతాలు ఒక్కొక్కటిగా బయట పడుతున్నాయి. హార్వే వెయిన్‌స్టెయిన్ ద్వారా అత్యాచారానికి గురికాబడి, తమ సినిమా కెరీర్ పాడవుతుందనే భయంతో మిన్నకుండి పోయిన నటీమణులు సైతం ఇపుడు బయటకు వచ్చి అతడి దురాగతాలు బయట పెడుతున్నారు.

చివరకు సోదరుడు కూడా

వెయిన్‌స్టెయిన్‌ మీద లైంగక వేధింపుల ఆరోపణలు వెల్లువెత్తడంతో వెయిన్ స్టోయిన్ కంపెనీ నుంచి వెలివేస్తున్నట్లు అతడి సోదరుడు బాబ్‌ వెయిస్టెన్‌ ప్రకటించాడు. తన సోదరుడు ఓ మృగమంటూ బాబ్ ఈ సందర్భంగా వ్యాఖ్యానించడం గమనార్హం.