హోమ్

హాలీవుడ్

హాలీవుడ్ నటి జెన్నీఫర్ లారెన్స్ ఎట్టకేలకు పెళ్లికూతురైంది. 28 ఏళ్ల ఈ అందాల భామ తన ప్రియుడు కుక్ మారోనీ వివాహం చేసుకొన్నారు. గత ఏడాది కాలంగా వీరిద్దరూ డేటింగ్ చేస్తూ ప్రేమించుకొంటున్నారు. ఎట్టకేలకు ప్రేమకు పుల్‌స్టాప్ పెట్టి వైవాహిక జీవితానికి ఆరంభం పలికారు.

హాలీవుడ్ మీడియా కథనం ప్రకారం.. జెన్నీఫర్ లారెన్స్, కుక్ మారోనీ వివాహం రోడ్ ఐలాండ్‌లో జరిగింది. ఈ పెళ్లికి హాలీవుడ్‌కు చెందిన సెలబ్రిటీలు ఏడెల్, ఎమ్మా స్టోన్, క్రిస్ జెన్నేర్, ఆష్లే ఓస్లెన్, నికోల్ రిచీ, కెమెరాన్ డియాజ్, జోయల్ మాడెన్ తదితరులు హాజరయ్యారు అని పేర్కొన్నారు.

గతేడాది జూన్‌లో కుక్‌ను తొలిసారి కలుసుకొన్నారు. వారిద్దరూ అప్పటి నుంచి డేటింగ్ చేశారు. అలా వారి జీవితం ప్రారంభమై ప్రస్తుతం వైవాహిక బంధంగా మారింది. ఇక గత ఫిబ్రవరిలో వారిద్దరూ నిశ్చితార్థం చేసుకొన్నారు. ఆ సందర్భంగా తన స్నేహితులు, సన్నిహితులకు విలాసవంతమైన విందును ఏర్పాటు చేశారు.

తమ పెళ్లికి సంబంధఇంచిన ఫొటోను జెన్నీఫర్ లారెన్స్ సోషల్ మీడియాలో షేర్ చేశారు. ఈ రోజు కోసమే మేము ఎదురు చూశాం అని ఓ కామెంట్ పెట్టింది. సోషల్ మీడియాలో పలువురు స్నేహితులు వారికి వివాహ శుభాకాంక్షలు తెలియజేశారు.