హోమ్

హాలీవుడ్

ఆస్కార్ అవార్డు విన్నింగ్ స్టార్ హీరోయిన్ సాంద్రా బుల్లక్ ఇటీవల కాలంలో నిర్మాత 'జోనాథన్ కోమాక్ మార్టిన్'తో డేటింగ్ చేస్తున్నట్లు వచ్చిన వార్తలను పూర్తిగా ఖండించారు. 31సంవత్సరాల వయసు కలిగిన సాంద్రా బుల్లక్ మాట్లాడుతూ ప్రస్తుతం తాను ఎవరితోనూ డేటింగ్ చేయడం లేదని అన్నారు. నా భర్త నుండి విడాకులు తీసుకున్న తర్వాత నా మనసులో ఏ ఒక్క మనిషికి స్దానం ఇవ్వలేదని అన్నారు. ప్రస్తుతం నా ఆలోచన అంతా మా బాబు 'లూయిస్ బార్డో' గురించే అన్నారు.

రేయన్ రేనాల్డ్స్ యొక్క ప్రాణ స్నేహితుడు నిర్మాత 'జోనాథన్ కోమాక్ మార్టిన్'తో డేటింగ్ చేస్తున్నట్లు వచ్చిన వార్తలు నన్ను భాదించాయి. నిర్మాత 'జోనాథన్ కోమాక్ మార్టిన్'తో నాకు గతంలోనే పరిచయం ఉంది. కానీ పత్రికల వారు, మ్యాగజైన్ వారు మా ఇద్దరి మద్య కొత్త పరిచయాన్ని సృష్టించి తనతో నాకు లవ్ ఎఫైర్ ఉన్నట్లు రాస్తున్న కధనాలలో ఎటువంటి నిజం లేదని అన్నారు.

గత పది సంవత్సరాలుగా రేయన్ రేనాల్డ్స్, జోనాథన్ కోమాక్ మార్టిన్‌తో నాకు మంచి సంబంధాలున్నాయని అన్నారు. ఐతే మీడియా తెలిపిన రిపోర్టు ప్రకారం వారిద్దరూ అందంగా ఉండడమే కాకుండా..గొప్ప క్యాచ్‌తో ఉంటారనే విషయాన్నిఅంగీకరిస్తానని అన్నారు. ప్రస్తుతం నేను ఉన్న పరిస్దితులలో నా మనసు దోచుకున్న ఒకే ఒక వ్యక్తి నా కొడుకు 'లూయిస్ బార్డో' మాత్రమే అని అన్నారు. 2010వ సంవత్సరంలో 'లూయిస్ బార్డో'ని సాంద్రా బుల్లక్ దత్తతు తీసుకున్నారు.