హాలీవుడ్ ‘అవతార్’ సీక్వెల్స్ రిలీజ్ డేట్స్ వచ్చేసాయి...

మిగతా సీక్వెల్స్ రిలీజ్ డేట్స్ ఇవే..

ఏడాదికో సినిమా చొప్పున ఇక వరుస ‘అవతార్' సీక్వెల్స్ ప్రపంచ ప్రేక్షకులను అలరించబోతున్నాయి. అవతార్ 2 డిసెంబర్ 18, 2020న రిలీజ్ అవుతుండగా, డిసెంబర్ 17, 2021న మూడో అవతార్, డిసెంబర్ 20, 2024న నాలుగో అవతార్, డిసెంబర్ 19, 2025 ఐదో అవతార్ సీక్వెల్ రాబోతున్నట్లు చిత్ర యూనిట్ అఫీషియల్ గా ప్రకటించింది.

ఆలస్యానికి కారణం ఇదే

సినిమా ఆలస్యానికి కారణం అవతార్ ఎంటైర్ టీమ్ ఇంతకాలం కేవలం పార్ట్ 2 కోసమే కాకుండా.... భవిష్యత్తులో రాబోయే అన్ని సీక్వెల్స్ మీద ఒకేసారి పని చేస్తున్నారు. అందుకే మొదటి పార్ట్ రిలీజైన 11 సంవత్సరాల తర్వాత రెండో పార్ట్ ప్రేక్షకుల ముందుకు రాబోతోంది.

మీరు ఊహించని విధంగా

అవతార్ తొలి పార్ట్ చూసే ప్రపంచం మొత్తం ఆశ్చర్యపోయింది. కాబోయే నాలుగు పార్టులు ప్రపంచ సినీ ప్రేక్షకులను మరింత సంబ్రమాశ్చర్యాలకు గురి చేయబోతోంది. ఎవరూ ఊహించని సాంకేతిక పరిజ్ఞానం, విజువల్ ఎఫెక్ట్స్ రాబోయే సీక్వెల్స్ లో మనం చూడబోతున్నాం.

జేమ్స్ కామెరూన్

ఇక తన కెరీర్‌లో కేవలం అవతార్ సినిమాలు మాత్రమే తీస్తానని, అవతార్ ఐదో భాగం తీసే సమయాని నా జీవితం చివరి దశకు చేరుకుంటుంది, తర్వాత విశ్రాంతి తీసుకుంటానని జేమ్స్ కామెరూన్ అంటున్నారు. ప్రస్తుతం జేమ్స్ కామెరూన్ వయసు 62 సంవత్సరాలు.