మార్వెల్ స్టూడియోస్ మరో అద్భుతం.... థోర్-3 (ట్రైలర్)

‘థోర్: రగ్నరోక్’ పేరుతో తెరకెక్కుతున్న ఈ చిత్రం టీజర్ తాజాగా రిలీజైంది. ‘థోర్’ గత రెండు సిరీస్ చూసిన వారికి ఈ సినిమా సరికొత్త అనుభూతిని ఇస్తుందని ఈ ట్రైలర్ చూస్తే స్పష్టమవుతోంది.

By Bojja Kumar

Updated: Thursday, April 20, 2017, 17:06 [IST]

లాస్‌ఏంజిల్స్: హాలీవుడ్లో మార్వెల్ స్టూడియో వారు వేల కోట్ల ఖర్చుతో నిర్మించే చిత్రాలకు ప్రపంచ వ్యాప్తంగా ఎంత ఆదరణ ఉందో ప్రత్యేకంగా చెప్పక్కర్లేదు. స్పైడర్ మెన్, ఐరన్ మెన్, అవేంజర్స్, కెప్టెన్ అమెరికా ఇలా ఈ సంస్థ నుండి వచ్చే సినిమాలన్నీ విజువల్స్ పరంగా ఎంతో అద్భుతంగా ఉంటాయి.

ఈ సంస్థ నిర్మిస్తుస్తున్న చిత్రాల్లో 'థోర్' సిరీస్ సినిమాల గురించి ప్రత్యేకంగా పరిచయం అక్కర్లేదు. ఇప్పటికే విడుదలైన రెండు పార్ట్స్ బాక్సాఫీసు వద్ద సూపర్ హిట్ అయ్యాయి. తాజాగా మూడో భాగం ప్రేక్షకుల ముందుకు వచ్చేందుకు సిద్ధమైంది.

‘థోర్: రగ్నరోక్'

‘థోర్: రగ్నరోక్' పేరుతో తెరకెక్కుతున్న ఈ చిత్రం టీజర్ తాజాగా రిలీజైంది. ‘థోర్' గత రెండు సిరీస్ చూసిన వారికి ఈ సినిమా సరికొత్త అనుభూతిని ఇస్తుందని ఈ ట్రైలర్ చూస్తే స్పష్టమవుతోంది.

క్రిస్ హెమ్స్‌వర్త్

తొలి రెండు పార్ట్స్ లో హీరోగా నటించిన క్రిస్ హెమ్స్‌వర్త్ ఈ చిత్రంలో హీరోగా నటించాడు. చేతిలో సుత్తి లాంటి ఆయుధంతో హీరో చేసే విన్యాసాలు ప్రేక్షకులను ఎంతగానో ఆకట్టుకుంటాయి.