ఇండస్ట్రీలో ఉండాలంటే అది ముఖ్యం.. ఆయనలా నటించలేం.... రాశీ ఖన్నా కామెంట్స్

ఫిట్‌నెస్ ముఖ్యం..

సినిమా ఇండస్ట్రీలో ఉండాలంటే ఫిట్‌నెస్ ముఖ్యమని రాశీ ఖన్నా పేర్కొంది. బొద్దుగా ఉన్నా కూడా పాత్రలు వస్తాయని, అయితే అన్ని రకాల పాత్రలను పోషించాలంటే మాత్రం ఫిట్‌గా ఉండాలని చెప్పుకొచ్చింది. అయితే తనకు మరీ నాజూగ్గా తయారవటం కూడా ఇష్టముండదని, ఒకవేళ క్యారెక్టర్ డిమాండ్ మేరకు జీరో సైజ్‌కు కూడా తగ్గుతానని తెలిపింది.

వెంకీమామలో ప్రత్యేక పాత్ర..

వెంకీమామ చిత్రంలో తన పాత్ర ప్రత్యేకమైందని తెలిపింది. హారిక అనే అమ్మాయి పాత్రను పోషిస్తున్నట్లు, ఫిల్మ్ మేకర్ అవ్వాలనే కోరికతో ఉండే అమ్మాయి.. సిటీలో పెరిగిన హారిక ఊర్లోకి వచ్చి ఎలాంటి ప్రాబ్లమ్స్‌ను ఎదుర్కొందనే పాత్రను పోషించినట్లు తెలిపింది.

ఆయనలా చేయలేము..

ఈ చిత్రంలో వెంకటేష్‌తో కూడా చాలా సన్నివేశాలున్నాయని చెప్పుకొచ్చింది. ఆయన కామెడీ టైమింగ్‌ను అందుకోవడం చాలా కష్టమని తెలిపింది. ఆయనవి యూనిక్ ఎక్స్‌ప్రెషన్స్ అని, వాటిని ఇమిటేట్ చేద్దామని ప్రయత్నించినా.. అలా చేయలేమని పేర్కొంది.

#CineBox : Ileana D'Cruz Missed Out 2 Golden Chances With Salman Khan In These Two Films !

వారిని అలా చేయాలి..

దిశ ఘటనపై తనకు కోపమూ, భయమూ రెండూ వేస్తున్నాయని తెలిపింది. అలాంటి వారిని బహిరంగంగా ఉరి తీయాలని చెప్పుకొచ్చింది. చట్టాలు, కోర్టులను దాటి మనం ఆ పనిని మనం చేయలేము.. అలాంటి సమయంలోనే ఫ్రస్ట్రేషన్ వస్తుందని పేర్కొంది. వారు పెరిగిన వాతావరణం, పెంచిన విధానం వల్లే అలా తయారవుతున్నారని, అమ్మాయిలను చూసే దృష్టి మారాలని చెప్పుకొచ్చింది. అమ్మాయిలు బయటకు వెళ్లేటప్పుడు పెప్పర్ స్ప్రే తీసుకెళ్లాలని సలహా ఇచ్చింది.