కిడ్నాప్ కేసులో కన్నడ హీరో దునియా విజయ్ అరెస్ట్!

ఆసుపత్రిలో జిమ్ ట్రైనర్

విజయ్, అతడి గ్యాంగ్ వేధింపుల వలన మారుతి గౌడ తీవ్రంగా గాయపడ్డట్లు సమాచారం. ప్రస్తుతం వికాస్ గౌడ బెంగుళూరులోని విక్రమ్ ఆసుపత్రిలో చికిత్స పొందుతున్నాడు. అతడు ప్రస్తుతం మాట్లాడే పరిస్థితిలో లేడని తెలుస్తోంది.

పోలీసులకు ఫిర్యాదు

తన మేనల్లుడి మీద దాడి జరిగిందనే విషయం తెలిసిన వెంటనే పాని పూరి కిట్టి అలియాస్ కృష్ణ మూర్తి..... హై గ్రౌండ్స్ పోలీస్ స్టేషన్‌కు వెళ్లి విజయ్‌కు వ్యతిరేకంగా శనివారం రాత్రి 11.30 గంటలకు ఫిర్యాదు చేశారు. వారు వెంటనే విజయ్‌కు కాల్ చేసి అతడికి ఎలాంటి హాని తలపెట్టకుండా వెంటనే వదిలేయాలని వార్నింగ్ ఇచ్చారు.

పోలీసుల ముందే గొడవ

పోలీసుల నుండి కాల్ వెళ్లిన 30 నిమిషాల్లో విజయ్ మారుతి గౌడను తీసుకుని పోలీస్ స్టేషన్ చేరుకున్నారు. ఈ సందర్భంగా పోలీసుల ముందే విజయ్, పాని పూరి కిట్టి గొడవపడినట్లు తెలుస్తోంది. విజయ్ అతడి మీద చేయిచేసుకోవడానికి ప్రయత్నించగా మధ్యలో కల్పించుకున్న ఏసీపీ అతడిని తీవ్రంగా హెచ్చరించనట్లు తెలుస్తోంది.

విజయ్ మీద కేసు నమోదు

పోలీసులు వార్నింగుతో విజయ్ తగ్గాడని తెలుస్తోంది. అనంతరం విజయ్‌పై ఐపీసి సెక్షన్ 365(కిడ్నాపింగ్), 342, 325, 506 సెక్షన్ల కింద కేసు నమోదైనట్లు సమాచారం. ఒక సినిమా హీరో ఇలాంటి చర్యలకు పాల్పడటం బెంగుళూరు చర్చనీయాంశం అయింది. అరెస్ట్ అనంతరం విజయ్‌ను 14 రోజుల జుడీషియల్ కస్టడీకి పంపించారు.