Don't Miss!
- Sports DC vs GT: రఫ్ఫాడించిన ముఖేష్ కుమార్.. ఓడిపోయే మ్యాచ్లో గెలిచిన ఢిల్లీ!
- News హైదరాబాద్, కరీంనగర్ కాంగ్రెస్ అభ్యర్థులు వీరే: ఖమ్మంలో హీరో వెంకటేష్ వియ్యంకుడు
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
కావేరి వివాదం: కర్నాటకలో ‘కాలా’ కష్టాలు.... బాహుబలి తరహా సీన్ రిపీట్!
Recommended Video
రజనీకాంత్ హీరోగా పా రంజిత్ దర్శకత్వంలో రూపొందిన 'కాలా' చిత్రం జూన్ 7న గ్రాండ్గా విడుదల కాబోతోంది. సోమవారం సాయంత్రం విడుదలైన ట్రైలర్కు అద్భుతమైన రెస్పాన్స్ వచ్చింది. కొన్ని గంటల్లోనే మిలియన్ల కొద్దీ వ్యూస్ వచ్చాయి. ట్రైలర్ విడుదల తర్వాత సినిమాపై అంచనాలు మరింత పెరిగాయి. తమిళంతో పాటు హిందీ, తెలుగులో కూడా ఈ చిత్రాన్ని విడుదల చేయబోతున్నారు. అయితే ఈ చిత్రం రజనీకాంత్ పుట్టిన గడ్డ కర్నాటకలో విడుదలయ్యే అవకాశం కనిపించడం లేదు. కావేరి వివాదం నేపథ్యంలో కన్నడిగులు రజనీకాంత్ మీద ఆగ్రహంగా ఉండటమే ఇందుకు కారణం.
‘కాలా’ను ప్రదర్శించ వద్దన్న కెఎఫ్సిసి ప్రెసిడెంట్
‘కాలా'ను ప్రదర్శించవద్దని కర్నాటక ఫిలిం చాంబర్ ఆఫ్ కామర్స్ అధ్యక్షుడు సా రా గోవిందు కర్నాటక థియేటర్స్ ఓనర్స్, డిస్ట్రిబ్యూటర్లను కోరారు. రజనీకాంత్ మీద కన్నడ ప్రజలు ఆగ్రహంగా ఉన్నారని, అందు వల్ల కాలా సినిమాకు దూరంగా ఉండాలని సూచించారు.
రజనీకాంత్ కామెంట్స్ కన్నడిగులను అప్సెట్ చేశాయి
కావేరీ జలాల వివాదంలో రజనీకాంత్ కామెంట్స్ కన్నడిగులను అప్సెట్ చేశాయని, అలాంటి వ్యక్తి నటించిన సినిమా కర్నాటకలో విడుదల కాకూడదని ఇక్కడి ప్రజలు కోరుకుంటున్నారని ఆయన అన్నారు. పలు కన్నడ సంఘాల నుండి ఫిల్మ్ చాంబర్కు ఈ విషయమై విన్నపాలు వచ్చాయని, ‘కాలా' సినిమాపై బ్యాన్ విధించాలని కోరుతున్నారని, విడుదల ఆపాలంటూ తమపై చాలా ఒత్తిడి ఉందని గోవిందు పేర్కొన్నారు.
ఫిల్మ్ చాంబర్తో డిస్ట్రిబ్యూటర్ చర్చలు
కర్నాటకలో ‘కాలా' చిత్రాన్ని గోల్డీ ఫిల్మ్స్ వారు విడుదల చేస్తున్నారు. సినిమా విడుదలకు క్లియరెన్స్ ఇవ్వాలని కన్నడ ఫిల్మ్ చాంబర్తో చర్చలు జరుపుతున్నట్లు డిస్ట్రిబ్యూటర్ సౌరవ్ మీడియాకు వెల్లడించారు. త్వరలో దీనిపై క్లారిటీ వస్తుందని తెలిపారు.
గతంలో బాహుబలికి ఇలాంటి చిక్కులే
గతంలో బాహుబలి-2 సినిమా విడుదల సమయంలో కూడా కర్నాటకలో ఇలాంటి ఇబ్బందే ఏర్పడింది. ఈ చిత్రంలో నటించిన తమిళ నటుడు సత్యరాజ్ కావేరీ జలాల విషయంలో ఎప్పుడో చేసిన కామెంట్స్పై కన్నడ సంఘాలు రగిలిపోతూ తమ ప్రతాపై సినిమాపై చూపించారు. చివరకు సత్యరాజ్, దర్శకుడు రాజమౌళి ఈ విషయంలో క్షమాపణలు చెప్పడంతో కర్నాటకలో సినిమా విడుదలకు మార్గం సుగమమైంది.