షాకిస్తున్న ‘కెజిఎఫ్’ ట్రైలర్...ఈ మధ్య కాలంలో ఇలాంటిది చూసుండరు!

బానిసల్లా బ్రతికే సమూహం గురించేనా?

ట్రైలర్ వినిపించే డైలాగులు సినిమా ఒక కొత్త పంథాలో సాగుతుందని స్పష్టం చేస్తున్నాయి. ‘బయల్దేరాడు... వాడికి వెళ్లే దారి గురించి తెలియదు. తీసుకెల్లే చోటు గురించి తెలియదు. దాని వెనక ఉన్న అమానుష చరిత్ర గురించి కూడా తెలియదు' అనే డైలాగ్స్ బట్టి ఎక్కడున్నామో తెలియకుండా బానిసల్లా బ్రతికే జన సమూహం గురించి సినిమా సాగుతుందని స్పష్టం చేస్తున్నాయి.

డైలాగులు అదిరిపోయాయి

‘కేవలం గిన్నెడు రక్తం చూసి ఇంతలా భయ పడుతున్నావంటే ఇక ముందు జరుగబోయే రక్తపాతాన్ని చూసే ముందే నువ్వు ఇక్కడి నుంచి వెళ్లిపో... భావోద్వేగాలకు లొంగిపోకు, ఈడ వాటికి విలువ లేదు... అనే డైలాగులు సినిమాపై ఆసక్తిని పెంచుతున్నాయి.

ఈ ప్రపంచాన్నే గెలవొచ్చు

"నీ వెన్నంటి వేలమంది ఉన్నారనే ధైర్యం నీకుంటే ఒక యుద్ధాన్ని మాత్రమే గెలుస్తావు. అదే నువ్వు ముందున్నావని నీ వెనకున్న వేలమందికి ధైర్యం వచ్చిందంటే ఈ ప్రపంచాన్నే గెలవచ్చు"అనే డైలాగ్స్ సినిమా ఓ రేంజిలో ఉంటుందనే అంచనాలు పెంచింది.

కెజిఎఫ్

ఈ చిత్రంలో యష్, శ్రీనిధి శెట్టి, అయ్యప్ప, బి సురేష్, శ్రీనివాస్ మూర్తి తదితరుల కన్నడ నటులు నటిస్తున్నారు. వియయ్ కరగందూర్ నిర్మించిన ఈ చిత్రాన్ని డిసెంబర్ 21వ విడుదల చేసేందుకు ప్లాన్ చేస్తున్నారు.