కుమార్తె మరణం.. వారంలోపే సంగీత దర్శకుడు కూడా మృతి, గుండెలు బరువెక్కే విషాదం!

బాలభాస్కర్ మృతి

వారం రోజులుగా మృత్యువుతో పోరాడుతున్న బాలభాస్కర్ నేటి తెల్లవారు జామున మృతి చెందినట్లు వైద్యులు తెలిపారు. గత కొన్ని రోజులుగా ఆయన వైద్యానికి బాగానే స్పందించారు. గుండెకు సంబందించి సమస్యలు అధికం కావడంతో బాల భాస్కర్ తుదిశ్వాస విడిచారు.

విషమంగానే లక్ష్మి పరిస్థితి

బాలభాస్కర్ సతీమణి లక్ష్మి పరిస్థితి ఇంకా విషమంగానే ఉన్నట్లు తెలుస్తోంది. ఇంతకన్నా విషాదకరమైన సంఘటన మరొకటి ఉండదని మలయాళీ సినీప్రముఖులుఆవేదన వ్యక్తం చేస్తున్నారు.

వివాహం తరువాత

బాల భాస్కర్, లక్ష్మి 2000 లో వివాహబంధంతో ఒక్కటయ్యారు. వివాహం జరిగిన చాలా కాలంపాటు ఈ దంపతులు సంతానం కోసం ఎదురుచూశారు. ఎట్టకేలకు వారి ముద్దుల కుమార్తె తేజస్వి జన్మించింది. కుమార్తెని అల్లారు ముద్దుగా చూసుకుంటూ ప్రశాంతమైన జీవనం గడుపుతున్న సమయంలో బాలభాస్కర్ కుటుంబాన్ని ఈ ప్రమాదం చిన్నాభిన్నం చేసింది.

17 ఏళ్ల వయసులోనే

బాల భాస్కర్ 17 ఏళ్ల వయసులోనే మలయాళీ చిత్రాలకు సంగీత దర్శకుడిగా మారారు. పలు చిత్రాలకు సంగీత దర్శకుడిగా, అద్భుత వయోలిన్ నైపుణ్యంతో బాలభాస్కర్ గుర్తింపు పొందారు.