ఆచారి అమెరికా యాత్ర

ఆచారి అమెరికా యాత్ర సినిమా కామిడి రొమాంటిక్ ఎంటర్టైనర్ చిత్రం ఇందులో మంచు విష్ణు, ప్రగ్యా జైస్వాల్, బ్రహ్మానందం, ప్రభాస్ శ్రీను, ప్రవీణ్, సత్య కృష్ణ, విద్యుల్లేఖా రామన్, పోసాని కృష్ణమురళీ, సురేఖా వాణి తదితరులు నటించారు. ఈ సినిమాకి స్క్రీన్ ప్లే-దర్శకత్వం: జి.నాగేశ్వర రెడ్డి వహించారు మరియు నిర్మాతలు కీర్తి చౌదరి, కిట్టు సంయుక్తంగా నిర్మించారు. ఈ చిత్రానికి సంగీతం శేఖర్ చంద్ర స్వరాలు సమకుర్చురు. కథ కృష్ణమాచారి(మంచు విష్ణు) పురోహిత్యంలో ఘనాపాటి అప్పలాచారి (బ్రహ్మానందం) వద్ద శిష్యరికం చేస్తుంటాడు. ఓసారి అప్పలాచారి శిష్యబృందంతో కలిసి వేలకోట్ల అధిపతి చక్రపాణి(కోట శ్రీనివాసరావు) ఇంట్లో హోమం నిర్వహించేందుకు వెళతాడు. ఈ క్రమంలోనే కృష్ణమాచారి ఆ ఇంటి వారసురాలైన రేణుక(ప్రగ్యా జైస్వాల్)తో ప్రేమలో పడతాడు. హోమం చేస్తుండగా చక్రపాణి అనుకోకుండా గుండె పోటుతో చనిపోతాడు. అతడి చావుకు కారణం అప్పలాచారి అండ్ కో కారణం అంటూ చక్రపాణి మనుషులు వీరిని చంపేందుకు వెంటపడుతుంటారు. వీరి బారి నుండి తప్పించుకోవడంతో పాటు నాలుగు డబ్బులు వెనకేసుకోవచ్చని చెప్పి గురువుగారిని అమెరికా వెళ్లేందుకు ఒప్పిస్తాడు కృష్ణమాచారి. కాని కృష్ణమాచారి అమెరికా యాత్ర వెనక మరో కారణం ఉంటుంది. చక్రపాణి చావుకు కారకులు ఎవరు? చివరకు కథ ఎలా సుఖాంతం అయింది అనేది తెరపై చూడాల్సిందే.