ఎంత మంచివాడవురా

ఎంత మంచివాడవురా సినిమా రొమాంటిక్ ఎంటర్టైనర్ చితం ఇందులో కళ్యాణ్ రామ్, మెహరీన్, టి ఎన్ ఆర్, తనికెళ్ల భరణి, విజయకుమార్, సుమిత్ర, నరేష్, సుహాసిని, వెన్నెల కిశోర్, శరత్ బాబు, అన్నపూర్ణమ్మ, సుధర్శన్, భద్రం, సుభలేఖ సుధాకర్, పవిత్ర లోకేష్  తదితరులు నటించారు.  ‘శతమానం భవతి’ సినిమా ఫేమ్ సతీష్ వేగేశ్నదర్శకత్వం వహించారు. శివలెంక కృష్ణ ప్రసాద్, ఆదిత్య మ్యూజిక్‌తో కలిసి నిర్మించారు. గోపి సుందర్ మ్యూజిక్ అందించారు.   కథ   చిన్నతనంలోనే తల్లిదండ్రులను పోగొట్టుకున్న బాలు (కళ్యాణ్ రామ్)ను చుట్టాలందరూ ఒంటరిగా వదిలేస్తారు. అయినా సరే రిలేటివ్స్ అలా వదిలేసినా రిలేషన్స్ మీద ప్రేమను పెంచుకుంటాడు. అవతలి వారికి అవసరమైన రిలేషన్ ఇస్తూ.. తనకు కావాల్సిన ఎమోషన్స్‌ను తీసుకుంటాడు. ఈ క్రమంలో ఒకరికి తమ్ముడు (సూర్య)గా, మనవడు (ఆదిత్య)గా, అన్న (రిషి)గా, కొడుకుగా మారిపోతాడు. చిన్నప్పటి నుంచీ బాలును ఇష్టపడుతూ వచ్చిన నందిని (మెహరీన్) కథ ఏమైంది? చిన్నప్పుడే జాతరలో తప్పిపోయిన కొడుకుగా శర్మ (తణికెళ్ల భరణి) ఇంటికి వచ్చిన బాలుకు ఎలాంటి పరిస్థితులు ఏర్పడ్డాయి? ఆ ఊరిలో ఇసుక మాఫిరా రారాజు గంగరాజు (రాజీవ్ కనకాల)తో శత్రుత్వంలో ఎందుకు ఏర్పడింది? నందినిపై ఉన్న ప్రేమను బాలు ఎందుకు బయటకు చెప్పలేకపోతాడు? ఇలాంటి ప్రశ్నలకు సమాధానమే ఎంత మంచివాడవురా.