గడ్డం గ్యాంగ్

యాగ్రీ యంగ్ మెన్ క్యారెక్టర్స్ తో దాదాపు కెరీర్ అంతా లాక్కొచ్చిన రాజశేఖర్... పెద్ద వాడ్ని అయ్యాను కదా అని హఠాత్తుగా కుందేలు వేషం వేస్తానంటే ఎలా... ఆయన ఇమేజ్ అలా లగేజ్ లా క్యారీ అవుతుంది కదా. ఈ విషయం మరిచి తమిళంలో హిట్టైన సినిమా..తక్కువ బడ్జెట్ లో అవుతుంది..కొత్త కుర్రాళ్లను నలుగురుని పెట్టుకుని...కొత్త డైరక్టర్ తో ఖర్చు తక్కువలో లాగేద్దామనుకుంటే ఎలా...అక్కడ ఎందుకు హిట్టైంది... వాళ్లకు నచ్చే విషయాలేంటి..అందులో మనకు పట్టని విషయం ఏమిటి..అనేది చూసుకోవాలి కదా..అలాగే...అసలు అక్కడ కుర్రాడు వేసిన పాత్రకు తను సూట్ అవుతానో లేదో చెక్ చేసుకోవాలి. దానికి తోడు... తమిళం నుంచి ...సీన్ టు సీన్ ...అనువదించినట్లు ఉంది కానీ....తెలుగుకి రీరైట్ చేసుకుని తెరకి ఎక్కించినట్లు లేదు...దాంతో ఏది కామెడీనో...ఏది సెటైరో ...ఎక్కడ నవ్వాలో....ఎక్కడ ఎమోషన్ అవ్వాలో అర్దం కాక ..ఆ సీన్స్ క్రింద ఆ విషయం రాస్తే బాగుండును అనిపించింది. ముఖ్యంగా రాజశేఖర్ ని పెట్టుకున్నప్పుడు అతని క్యారెక్టర్ కు ప్రయారిటి ఇచ్చి ఆ పాత్ర ప్యాసివ్ కాకుండా సీన్స్ రీరైట్ చేసుకుని సెకండాఫ్ అయినా మార్చుకోవాల్సింది. లేదా రాజశేఖర్ ని కాకుండా వేరే చిన్న హీరోని అయినా పెట్టుకుని లాగించాల్సింది నిర్మాత గా జీవిత అయినా సేఫ్ అయ్యేది.